黃喵餐廳 (已結業)

搬左黎葵芳都一后时间, 偶然见到呢一间小店, 第一时间系俾店员姐姐吸引左XD 亲切有礼, 虽然大家都戴著口罩, 但感觉到佢讲野系对住你笑既, 有份莫名既可爱. 闲谈间就谂起店员哥哥常在天桥那边派传单.  打从心底就觉得呢班年青人好有心去经营, 要去支持一下.  店舖有好多猫猫既画做装饰, 装修简洁有小清新既感觉. 讲番野食啦~ 其实佢款式都算多, 唯独是, 我只喜欢点那个下午茶餐鸡肉串烧捞蒙及青柠柠檬茶$40.   份量够又抵食. 临走时仲外卖了午餐海南鸡配油饭同青柠梳打$54. 午市外卖九折, 晚市外卖八折. 店舖位置吾起眼, 比较蚀底. 希望多D人认识呢间小店去帮衬下啦, 而家呢个环境, 应该俾多D机会年青人.