影片
更多
2023-02-12
576 浏览
《独家试伏食评 - 001》帮自己,亦都帮大家珍惜自己条脷,决定开始认真写下试伏食评留个record。同屋企人饮茶食晏昼,见好多人等位就不如试下啦。等咗一个钟有耐但最后水准明显不如预期🙃叫咗三五知己套餐,一个前菜,一个小食,一个主菜,加三个点心,另外再叫多几个点心。食物点评：(唔好食到冇影相)麻辣口水鸡（7/10）：正常,口水汁有味,鸡件滑,辣油偏多但可以接受。椒盐多春鱼（1/10）：炸粉淋,厚,冇调味,明显系粟粉同埋面粉比例不均,炸皮非常之硬。椒盐炸粉唔均匀,多春鱼本身只有少许咸味,火候ok之外,无可取之处原笼龙趸件蒸饭（3/10）：除咗龙趸件之外,冇任何价值。饭底冇调味,冇蒜冇葱,仲差过叫白饭。龙趸火侯唔错,一笼有五至六小件,唔算抵食牛肉球（5/10）：正常鲜虾菜苗饺（3/10）：一笼三件,饺皮偏软淋,厚身,个人口味比较喜欢沾米粉重啲,份量足料但粉皮缺点盖过优点,唔太推荐叉烧肠（3/10）：一样米粉皮偏软淋,叉烧足料但调味过重,唔使点豉油都喊过豉油本身,食到生肾者之石虾饺（4/10）：虾饺馅多粉,食唔出肉味,亦食唔出虾本身嘅鲜味椒盐墨鱼仔（1/10）：同多春鱼一样,但今次乜嘢都冇调
帮自己,亦都帮大家珍惜自己条脷,决定开始认真写下试伏食评留个record。
同屋企人饮茶食晏昼,见好多人等位就不如试下啦。等咗一个钟有耐但最后水准明显不如预期🙃
叫咗三五知己套餐,一个前菜,一个小食,一个主菜,加三个点心,另外再叫多几个点心。
食物点评：(唔好食到冇影相)
麻辣口水鸡（7/10）：正常,口水汁有味,鸡件滑,辣油偏多但可以接受。
椒盐多春鱼（1/10）：炸粉淋,厚,冇调味,明显系粟粉同埋面粉比例不均,炸皮非常之硬。椒盐炸粉唔均匀,多春鱼本身只有少许咸味,火候ok之外,无可取之处
原笼龙趸件蒸饭（3/10）：除咗龙趸件之外,冇任何价值。饭底冇调味,冇蒜冇葱,仲差过叫白饭。龙趸火侯唔错,一笼有五至六小件,唔算抵食
牛肉球（5/10）：正常
鲜虾菜苗饺（3/10）：一笼三件,饺皮偏软淋,厚身,个人口味比较喜欢沾米粉重啲,份量足料但粉皮缺点盖过优点,唔太推荐
叉烧肠（3/10）：一样米粉皮偏软淋,叉烧足料但调味过重,唔使点豉油都喊过豉油本身,食到生肾者之石
虾饺（4/10）：虾饺馅多粉,食唔出肉味,亦食唔出虾本身嘅鲜味
椒盐墨鱼仔（1/10）：同多春鱼一样,但今次乜嘢都冇调味,同粉炸擦子胶味道一样
春卷（2/10）：即刻炸起,够热所以唔觉太油腻,但系皮内里唔知点解有未熟嘅炸粉,咸味又抢过虾味
饮茶重点 - 茶（2/10）：叫咗铁观音,涩,鞋口。好,叫多壶寿眉,一样咁难饮
服务（5/10）：叫野,加水速度唔差,一般
------------------------------
总结：唔系好明点解咁多人排队,未试过嘅基本上冇必要试。
厨师煮嘢火候掌握得唔错,但用料实在太差,如果系中央点心工场咁quality check真系唔得,同系列嘅基本上都唔洗食咖啦。
食物质素唔到,价钱又唔系特别平,珍惜自己条脷嘅嘅不妨可以食第二间。
张贴
