影片
更多
2023-11-13
1964 浏览
位于屋企附近嘅添好运，一直都的唔起心肝过嚟（始终都系人龙店）今日终于有机会趁佢啱啱开门唔系好耐(未够10点）走过来食，希望唔使点排队啦果然早起嘅虫仔有点心食一去到唔使等就入得去（（🫢见其他人好多post都有门面相睇，咁我就悭返啲相位唔post门面样啦））一嚟叫咗个我想饮嘅冷泡茶茶钱都要$12位，而且仲要+1 添坦白讲$12一个人话贵唔贵话平唔平，普普通通啦，而呢个冷泡茶就未必做到我对冷泡茶既期望*不过佢做到茶楼少有嘅可以拣唔同嘅茶有传统热茶、特色热茶同冷泡茶其实都难得嘅（要加分加分…）好快就嚟咗「古法糯米鸡」一打开糯米鸡特别在系好干身嘅，唔似平时酒楼𠮶啲油冧冧劲湿嘅糯米鸡，都好够味嘅， 但系我就略嫌佢太干身而且佢虽然干但系都唔系少油㗎😱跟住嚟咗呢个「百花酿油条配香辣蟹膏」$35嘅价钱得三条，但系功夫嘅价钱已经抵返晒啦！一咬落去；油炸鬼松化，入边系弹牙嘅虾滑配埋（应该系）满满嘅豆瓣酱，虾膏仲有啲蛋丝添有样睇系靓仔嘅嘅🤭不过个辣酱就咸左D（仲要我都算系一个重口味嘅人🫣食得淡𠮶啲人 应该会觉得佢好咸）***但好得意嘅系（抱住唔好嘥嘅心态）我将认为系伴碟嘅芫荽🌿同埋个酿油条一齐食，竟然有另一番
一直都的唔起心肝过嚟（始终都系人龙店）
今日终于有机会
趁佢啱啱开门唔系好耐(未够10点）走过来食，希望唔使点排队啦
果然早起嘅虫仔有点心食
一去到唔使等就入得去
（（🫢见其他人好多post都有门面相睇，
咁我就悭返啲相位唔post门面样啦））
一嚟叫咗个我想饮嘅冷泡茶
冷泡茶
$12
14 浏览
1 赞好
0 留言
茶钱都要$12位，而且仲要+1 添
坦白讲$12一个人话贵唔贵话平唔平，普普通通啦，而呢个冷泡茶就未必做到我对冷泡茶既期望
*不过佢做到茶楼少有嘅可以拣唔同嘅茶
有传统热茶、特色热茶同冷泡茶
其实都难得嘅（要加分加分…）
好快就嚟咗「古法糯米鸡」
一打开糯米鸡特别在系好干身嘅，
唔似平时酒楼𠮶啲油冧冧劲湿嘅糯米鸡，
都好够味嘅， 但系我就略嫌佢太干身
而且佢虽然干但系都唔系少油㗎😱
百花酿油条配香辣蟹膏
$35
47 浏览
1 赞好
0 留言
跟住嚟咗呢个「百花酿油条配香辣蟹膏」
$35嘅价钱得三条，但系功夫嘅价钱已经抵返晒啦！
一咬落去；油炸鬼松化，入边系弹牙嘅虾滑
配埋（应该系）满满嘅豆瓣酱，虾膏仲有啲蛋丝添
有样睇系靓仔嘅嘅🤭
不过个辣酱就咸左D
（仲要我都算系一个重口味嘅人🫣
食得淡𠮶啲人 应该会觉得佢好咸）
***但好得意嘅系（抱住唔好嘥嘅心态）
我将认为系伴碟嘅芫荽🌿
同埋个酿油条一齐食，
竟然有另一番风味，我觉得仲好食啲添🤭
酥皮焗叉烧包
$30
36 浏览
1 赞好
0 留言
哇呢个不得了「酥皮焗叉烧包」
$30蚊3件嘅价钱，但我真系觉得好好食
（有时遇着好食嘅嘢，真系唔需要睇价钱）
一咬落去入边系空气包𠮶种质地好松化
但系松化嘅内里系满满嘅叉烧
佢𠮶个叉烧就系平时我哋食开茶楼叉烧包𠮶种叉烧酱嘅叉烧
但系佢又冇咗传统叉烧包𠮶啲黐牙嘅白色包
换咗系似菠萝包𠮶啲包
食落去暖暖地，甜甜地 唔会太甜
炸两
$30
36 浏览
1 赞好
0 留言
之后嚟到嘅就系我好钟意食嘅「炸两」
肠粉皮唔薄唔厚啱啱好
入边嘅油炸鬼又系非常之松脆
就算摆耐咗先食都油炸鬼未话去到腍啤啤
食得出佢嘅油炸鬼真系做得非常之好
鲜虾烧卖皇
$34
25 浏览
1 赞好
0 留言
之后又点少得饮茶必要嘅「烧卖」
烧卖虽然入边睇唔到有满满嘅肥猪肉
但系口感却系有好油润嘅感觉，
入边充满咗冬菇嘅味道，同埋大大粒嘅虾
咬落松软唔会死实实
豉汁蒸排骨
$25
16 浏览
2 赞好
0 留言
有排吉～～～🤭🤭🤭
蒸嘢果然系耐啲，
终于到咗男人发办嘅「豉汁蒸排骨」上场
讲真排骨我麻麻哋😅
同埋一上嚟嘅感觉有少少失望
因为真系得𠮶几粒，数都数得出
但系味道👅外貌，佢都系做得到应有嘅水准
个样望落都几「清秀」
（唔会话有一大旧肥膏当一粒）
内里既排骨都系形状靓仔又半肥瘦
而且蒜蓉豆豉味都做得好足，
系一叠好味嘅豉汁蒸排骨
豉油王炒面
$20
15 浏览
1 赞好
0 留言
最后黎到既
系我之前经过门口已经想嗌嘅「豉油王炒面」
豉油王炒面好干身有镬气好香口
满满既材料、面系分开嘅唔会黐埋晒一齐
佢好够味😋
跟埋一齐有辣酱（应该系余均益）
但其实因为佢嘅味道本身做得好足，基本上都唔需要点辣酱
- - - - - - - - - - - -
店员唔算好勤力收碟
就算放到成枱都系嘢
都可能会叠到有小山咁高，佢先至会帮你收一收
- - - - - - - - - - - -
当时咁啱做紧一个活动
就系like and share会有桂花糕送
但店员完全冇提过，
碰巧听到隔离游客问店员
最初头店员仲话落左单唔可以取消
就算送𠮶个桂花糕，只可以送多一个
对待游客嘅态度都唔算友善
但系喺一间不停做嘢嘅人龙店度
返工其实都系一件难事
Keep到服务态度真系唔容易
始终服务业都唔系咁简单
～ ～ ～ ～ ～ ～ ～ ～ ～
经过食一食系可以
但如果要排队山长水远走过来食就咪啦
味道系好食嘅，但系唔值得要排队
或者其实可能系我嘅字典里面冇嘢系值得排队
最少我觉得佢唔值😅
张贴
