影片
更多
2011-09-26
7 浏览
今日天气好好....... 清爽 一大清早, 一家人去柴湾, 提早登高!!搞掂所有野, 差不多已经中午12点左右, 大家都谂紧食咩??因为, 老豆本身喜爱食辣野, 我就建议不如去试下一间好出名既米芝莲餐厅啦.....自问"路痴"既我, 只系知道餐厅名称此时, 大佬就话有一间好出名既印度咖哩餐厅系东大街, 由印度人主理架..... 但就唔记得间野叫咩名!!点都好啦!! 横竖都打算到东大街觅食!!到了东大街, 大佬左望望右望望找寻佢之前帮衬过个间"印度咖哩餐厅", 而我就当然一心找寻"恒河"既踪影哈哈!!! 原来我同大佬讲既都系同一间餐厅噃!!估唔到既去到门口, 居然有d却步!! 原因系 -- 点解会无人排队架??? (当时系中午12:45左右)之前, 经过几次都见到长长的人龙, 但今次出奇地人龙不见了!!入到去, 见到单边卡位坐满人, 而另一边既数张长枱系"吉"既..... 当然, 我地一行5人就选择坐长枱啦!!! 点了3个Set Lunch配原味烤饼!!1) 咖哩牛腩2) 咖哩鸡3) 咖哩牛舌侍应并无问我地要咩辣度......... 我地就由它吧.....等左一阵, 餐汤到.....
一大清早, 一家人去柴湾, 提早登高!!
搞掂所有野, 差不多已经中午12点左右, 大家都谂紧食咩??
因为, 老豆本身喜爱食辣野, 我就建议不如去试下一间好出名既米芝莲餐厅啦.....
自问"路痴"既我, 只系知道餐厅名称
此时, 大佬就话有一间好出名既印度咖哩餐厅系东大街, 由印度人主理架..... 但就唔记得间野叫咩名!!
点都好啦!! 横竖都打算到东大街觅食!!
到了东大街, 大佬左望望右望望找寻佢之前帮衬过个间"印度咖哩餐厅",
而我就当然一心找寻"恒河"既踪影
哈哈!!! 原来我同大佬讲既都系同一间餐厅噃!!
估唔到既去到门口, 居然有d却步!!
原因系 -- 点解会无人排队架??? (当时系中午12:45左右)
之前, 经过几次都见到长长的人龙, 但今次出奇地人龙不见了!!
入到去, 见到单边卡位坐满人, 而另一边既数张长枱系"吉"既.....
当然, 我地一行5人就选择坐长枱啦!!!
点了3个Set Lunch配原味烤饼!!
1) 咖哩牛腩
2) 咖哩鸡
3) 咖哩牛舌
侍应并无问我地要咩辣度......... 我地就由它吧.....
等左一阵, 餐汤到........ 成碗绿色的....... 我呷了一口....... 好重胡椒味!!!
好快主菜亦都到....... 但因为被满满既咖哩汁盖住, 我问侍应: "系咩?"
佢居然笑住答我: "咩黎架? 我都唔知㖞!!"
咁我地唯有自己食下试味啦!!!
1) 咖哩牛腩
好味道, 牛腩够软
2) 咖哩鸡
普普通通, 尚算OK
3) 咖哩牛舌
咖哩汁最香, 亦系最惹味!!
因为, 我唔食牛舌, 所以唔知味道如何!!!
但听到屋企人既反应都系话 --- 好好味!!!
烤饼
好大块, 热腾腾!!
醮上咖哩汁, 果然是绝配!!!
坐下等下食下倾下, 全店满座!!!
好在我地无遇上个条"人龙"!!
离座结帐, 要自行到收银处付款!!
当我攞住张单走到收银处, 正准备付款时, 一位男士粗粗鲁地问我: "你边度架?"
我呆了一秒, 手指向我地坐既那张枱!!
我再大声表示不满咁话: "系佢叫我过黎埋单, 我点知你唔知啫!!!"
佢见到我咁, 佢都第一时间笑笑口: "唔好意思, 因为太多人, 我唔知你坐边张枱呢!!"
算吧!!! 我亦唔系想找麻烦!!
埋单$210...... 无收加一
Set Lunch (包餐汤及热饮, 冻饮+$2)
星期一至五 $45
星期六, 日及公众假期 $68
食物款式一样, 价钱却相差$23, 究竟有咩分别呢??
都系打算weekday帮衬好了!!!
张贴