幸屋

营业中

休息中

落大雨既天气都阻止唔到我想食拉面既欲望，今日收工去左幸屋食面。幸屋位于湾仔街市附近既排挡后面，未黎过可能要揾揾。入到拉面舖入面，就发现别有洞天，里面高楼底，装修非常之日式拉面舖feel。幸屋既菜单好似新印制，不过同样有几款拉面，沾面，丼饭，同埋小食，沙律，同饮料等。你仲可以拣拉面既粗幼同硬度，汤既浓度，香油多少，辣度，连叉烧，葱同椰菜分量都有得拣。鲣鱼出汁冷捞面 $88鲣鱼出汁冷捞面系新野，即试。先黎个个鲣鱼出汁，果然鲣鱼味浓，但系又唔会太咸，好清新。面条系幼身面，蛋味好香，又唔会太腍，面本身我觉得唔洗沾汁都够好味，因为好多配料，捞埋面一齐食正。配料有热叉烧两旧，㶶浓地，质感都唔错，半肥瘦，唔会太硬。居然有好多肉碎，咸香有风味。仲有明太子，一只香滑日本温泉蛋，脆口黑木耳，少少菜苗，洋葱，葱花，木鱼碎，扁荀，一块紫菜，最后洒上白芝麻粒。我最钟意呢度既拉面材料非常丰富，食落有多重味道，好有诚意。虾汁帆立贝沾面 $128今晚唔叫特浓味噌广岛蚝沾面，叫左虾汁帆立贝沾面。帆立贝两大只，真系啖啖肉。居然有半肥瘦叉烧一大旧，仲有好多樱花虾仔，樱花虾仔加落个汤令个汤虾味升级。另外有软稔糖心蛋一只开二。