幸屋

营业中

休息中

餐厅：幸屋地点：湾仔机利臣街菜式：日式拉面餐牌：拉面，沾面，丼饭，小食，沙律，饮品等。可以拣拉面既粗幼同硬度，汤既浓度，香油分量，辣度，连叉烧，葱同椰菜分量都有得拣。广岛蚝沾面 $118好耐无食呢度既招牌沾面。广岛蚝沾面有广岛蚝3只，都唔细只，好嫩口，而且够味道，伴有柠檬一件。仲有糖心蛋一开二。蔬菜有紫菜一片，椰菜，扁笋，黑木耳，紫洋葱同葱花，带黎多重口感。面头洒上白芝麻粒。面条似乌冬，唔硬唔软，好挂汁，份量足，够饱肚。我每次都会拣热面底，个汁先唔会越食越冻。你都可以选择冻面底。个沾面汤滚住上枱，出嗮烟。个汤好厚身，完全唔油，蚝味唔错，唔觉有味精。樱花虾味噌拉面 $88樱花虾味噌拉面汤底色水呈橙色，好有虾香味，又唔会太咸。拉面我拣左幼面，食到后期都唔会太腍，而且蛋香十足。配料有半肥瘦厚叉烧一片同薄叉烧一片，原只流汁糖心蛋，同好多樱花虾仔，令碗面虾香更浓。厚叉烧好腍又入味，薄叉烧好大片。蔬菜有黑木耳、椰菜、紫菜一片同葱花，带黎唔同口感。面头再洒上白芝麻粒。另外叫左两份小食分享。和风饺子 $38和风饺子一客六只，系六只块皮烟烟韧韧嘅饺子面头仲有一块又薄又脆既脆皮，上面加上大量沙律酱，酱油，