Mango Tree (已結業)

除夕夜,人在铜锣湾街头,又冇订枱,真系唔知食咩好~突然Mr.J提议去试下近期杂志劲煲既mango tree,都好吖,反正冇咩胃口,食d辣野醒醒胃都好,况且要立志四围揾新野食,呢间潮店点都要试下既,不过系唔知有冇位啫~上到去一睇,竟然唔full㖞,walk in完全冇问题,心谂好呀,终于揾到地方歇脚~不过一坐低睇餐牌,价钱真系令我@_@不过冇办法,走又唔好意思,反正唔食得多,就试一次~两个人叫左一个汤,两个小食,一个甜品,埋单差唔到要五百了~贵还贵,不过有佢值既地方既~先讲冬荫功,呢个要畀十个推介个汤系用炉heat住上枱,先赢得好感,系冻冻既天气饮住热辣辣既汤,几乎饮到最后都仲热~饮第一啖,真系有惊为天人既感觉,小妹系九龙城长大,亦钟意食辣野,冬荫功真系饮唔少,不过最怕得酸而唔辣又唔够香,呢间由泰国开过来既泰菜店真系做得好好,味道平衡得极佳,酸,辣,鲜,香齐备,椰奶味唔会好重,汤里面有足两只大头虾,佢d虾膏走晒入d汤度,令汤更加香浓有鲜味,有画龙点睛效果~$168,系值既~猪颈肉就比较一般,烤得唔够香,如果有㶶边会好d,好彩个酱汁调得唔错,有好香鱼露同香茅味~炸鱼饼更加麻麻,里面有少少菜