幸福堂 (已結業)

呢间新登场幸褔堂，地点系人龙店老虎堂隔离，令条街一时间出现一东一西嘅人龙。主打古法手炒黑糖珍珠，冇呃大家架！因为大大锅个就喺正counter隔离，饮品系即场冲俾大家睇。虽系够晒透明度，但现场见只有半个人高嘅胶板隔开，卫生方面希望会再做好啲。一攞上手黑糖纹好靓，而且时间keep到好耐，打咭一流，跟著用手搅18下就饮得。味道唔会过甜，奶味够浓，面头会有一层火炙黑糖奶盖，口感就更creamy。另外珍珠黑糖味都几特出，不过略嫌几烟韧，咀嚼需要俾多少少力。