影片
更多
2019-10-31
3545 浏览
之前都写过唔少酒吧餐厅，亦讲到发觉好多酒吧餐厅都唔喺就咁卖吓酒、卖吓伴酒嘅小食，仲提供唔少正餐菜式，而且，更一啲都唔马虎，质素比得上好多西餐厅。就好似今晚到访嘅「Catee」，就喺其中一家，等老婆上完咗个进修班，一齐过嚟「撑枱脚」。既为酒吧餐厅，内笼自不然喺一派酒吧格局，踏入门口，先入眼帘就喺酒吧枱，挂满酒杯，放满各式各样嘅烈酒。望入少少，就喺用餐区，其实，骤眼一望，跟一般西餐厅无疑，仲布置得颇有气氛，而且不停播住悠扬嘅英文歌，最有趣喺当中有唔少跟猫有关嘅装饰，怪唔之得店名叫「Catee」啦，但太可放心，餐厅内唔见有真猫嘅。每日嘅8:00pm前都喺「欢乐时光」，所有酒精类饮品都有买一送一优惠；着数嘢仲未止，星期日至四，凡惠顾一轮「欢乐时光」，仲可以以半价享用小食一份。不过，我哋两公婆唔好酒，嚟到亦喺食正餐，所以，呢啲优惠今次暂且用唔着。但顺带一讲，将近八点，见到店员再晌每枱都提一提「欢乐时光」优惠，可见服务嘅细心位。食物方面，翻一转主餐牌，可谓选择俱全，有前菜、汤品、沙律、主菜、意大利饭、意大利面、小食、甜品……等等。当中嘅主食类，都可以加$50转为套餐，就会多埋沙律、餐汤、甜品及餐饮
既为酒吧餐厅，内笼自不然喺一派酒吧格局，踏入门口，先入眼帘就喺酒吧枱，挂满酒杯，放满各式各样嘅烈酒。
望入少少，就喺用餐区，其实，骤眼一望，跟一般西餐厅无疑，仲布置得颇有气氛，而且不停播住悠扬嘅英文歌，最有趣喺当中有唔少跟猫有关嘅装饰，怪唔之得店名叫「Catee」啦，但太可放心，餐厅内唔见有真猫嘅。
每日嘅8:00pm前都喺「欢乐时光」，所有酒精类饮品都有买一送一优惠；着数嘢仲未止，星期日至四，凡惠顾一轮「欢乐时光」，仲可以以半价享用小食一份。不过，我哋两公婆唔好酒，嚟到亦喺食正餐，所以，呢啲优惠今次暂且用唔着。但顺带一讲，将近八点，见到店员再晌每枱都提一提「欢乐时光」优惠，可见服务嘅细心位。
食物方面，翻一转主餐牌，可谓选择俱全，有前菜、汤品、沙律、主菜、意大利饭、意大利面、小食、甜品……等等。当中嘅主食类，都可以加$50转为套餐，就会多埋沙律、餐汤、甜品及餐饮。
讲到晚餐，又确喺有一张「精选晚饭套餐」餐牌嘅，共有6款选择，定价$188-$298，已包晒是日沙律、餐汤、饮品及甜品，相信喺唔少人心目中划算之选。
此外，挂晌墙上仲有一张「厨师推介」餐单，例如焗原只龙虾，烤原条牛尾肉……，都喺啲颇吸引嘅菜式。不过，我哋都喺晌主餐牌度拣，因为有啲心水嘅菜式，况且，亦可以加钱转为套餐。
面包篮先送嚟一小篮面包，分别有意式香草包及黑炭包，并配上橄榄油及黑醋。面包带微暖，入口松软，尤其前者，更喺小弟嘅「飞弗」，沾点油醋，简单而好食。
是日餐汤随后送上嘅喺周打蚬汤，个汤做得一啲都唔马虎，除口感柔滑，有点点鲜味之外，内里仲混有唔少蚬肉。
田园沙律沙律底喺以沙律菜配红腰豆，初时仲谂会唔会喺继续意大利风落番油醋呢，但原来喺日本风淋上胡麻酱，味道香浓，而沙律菜好爽脆。
香煎尖吻鲈鱼柳伴龙虾汁 $178卖相一啲都唔失礼呀，两大件鲈鱼柳，更伴有好多薯菜，鲈鱼柳煎得外皮脆到咯咯声，啲肉质就非常嫩滑，鱼味浓，反而，啲龙虾汁只喺不过不失，唔算好浓郁，未知喺咪唔做咁浓，免影响鱼柳嘅鱼鲜味。事后，店员话佢哋嘅龙趸鱼柳更出色，喺晌街市买嘅新鲜货，有机会真喺要一试。
香煎尖吻鲈鱼柳伴龙虾汁
$178
69 浏览
0 赞好
0 留言
啲薯菜嘅配搭仲好特别，用上荷兰串茄、意大利黄青瓜……就知用料不赖。而且，全部都煎烤过，特别好食，薯蓉亦做得绵滑，但如果加番多少少盐巴就恰到好处喇。
烤澳洲羊架伴薄荷酱 $218唔好怪我，又喺羊架，呢几个月确喺食咗唔少次。唔喺讲笑，非常大份，3大支羊架，支支都手掌咁大，而且，带肥膏有点多，所以，膻味颇强劲，但点劲膻都好，我OK㖞。
烤澳洲羊架伴薄荷酱
$218
15 浏览
0 赞好
0 留言
要咗5乘熟，煎得啱啱好，切开仲见到粉嫩嘅肉色，食落外层带微焦，里面又腍又富肉汁，无论沾点薄荷酱，抑或烧汁，都好好食。
菠萝汁、小红莓汁早餐、午餐都饮过咖啡及奶茶，再饮就超标喇，所以，晚餐就拣咗果汁，难得点果汁都唔使额外补钱。其实，一点餐就叫店员可以上埋餐饮，边饮边食。我杯菠萝汁底下仲沉淀咗啲菠萝蓉，而食羊架时，配菠萝汁喺唔错嘅搭配嚟。
是日甜品店员送上件蛋糕时，话喺红莓蛋糕，但其实，中间又夹有栗子蓉，咁嘅配搭印象中就较少见。味道喺点？又有水准㖞，海绵蛋糕好松软，又食到栗子香，忌廉亦打得滑溜。
整体嚟讲，环境、服务及食物，都甚具水准，让我俩都食得称心。所以，依家真喺唔可以睇少啲酒吧餐厅嘅出品。心谂，有咩特别日子嚟依度食番餐，庆祝吓，都OK，尤其晌结婚纪念日，可谓幸福洋溢。
张贴
