星願 居酒屋 (已結業)

自从疫情之后，多咗自己一个人出街食饭，好似变得更加享受自己一个人用餐🍴今日介绍呢一间系我一个人用餐嘅饭堂😚食物高质之余，店员服务态度又好，最紧要系自己一个人食饭唔会话怕尴尬😝可能我习惯咗喺度食嘅气氛☺️舒舒服服咁食嘢，唔经唔觉又食完😉今日我嘅餐单系凤梨鹅肝多士同黑蒜饺子拉面🍜😎凤梨鹅肝多士，第一次食嘅时候惊为天人，自此之后每次都会嗌嚟食，鹅肝大大块配埋酸甜酸甜嘅风梨，味道极之夹！😎黑蒜饺子拉面🍜呢个拉面劲浓味👍🏻我最钟意食重口味嘅嘢，仲有𠮶只蛋超级糖心，𠮶种浆住嘅感觉☺️真系好想再食多一粒！啲饺子亦同样好味，入边仲有啲汤汁添👏🏻👏🏻已经期待下一餐食咩好啦🙈