阿杏飯團 (富時中心)

营业中

休息中

台湾「阿杏饭团」来左香港都有一段时间，但依然人气不减，分店越来越多，皆因爆馅足料，配搭多多，选用健康紫糯米，热辣辣饭团🍙= 非常幸福嘅味道❤️！🍖啖啖肉套餐熊本烤肠饭团~ 烤肠口感扎实，嚼劲十足，烟韧多汁，配上肉松，香脆油炸鬼粒粒，真系啖啖肉，好好𩠌，够哂满足。最钟意配有菜圃，咸咸甜甜又清爽，非常开胃。🥚咸蛋套餐芙蓉咸蛋饭团~ 原只大大粒咸蛋黄，蛋黄油香味十足，唔会死咸，咬落外扎实，内香软。钟意咸蛋黄嘅一定唔可以错过。🧋饮品方面黑糖珍珠奶茶，珍珠烟韧弹牙，黑糖清香唔会死甜。另外椰果四季春，四季春茶清香怡人，椰果香甜清爽，入口好match。如果系外卖返屋企饮记住少冰或走冰，以免溶冰变淡左味道。