吉祥日本料理 (已結業)

日本菜系香港人最钟意嘅菜式，而Omakase（厨师发办）更成为当中嘅至尊选择。Omakase当然系厨师严选嘅最佳食材，但有时厨师都未必能够完全掌握到你嘅心意，所以自选寿司更适合你，可以自己拣自己钟意食嘅鱼生啦！嚟到黄埔吉祥日本料理，自选寿司嘅选择非常多，食材高质，同样充满幸福感。自选寿司12件午市嘅定食选择非常多，今日就拣咗自选寿司。餐单上面有30款唔同嘅寿司，大家可以任拣12件，而每款最多可选两件。30款都好想食，好难拣呀！最后，经过痛若嘅挣扎，拣咗三文鱼腩、油甘鱼、吞拿鱼、真鲷、鲂𫚒、北寄贝、帆立贝、赤虾、炙烧左口鱼边。款款鱼生都非常新鲜，特别钟意油香十足嘅三文鱼腩同油甘鱼，鱼油丰富，高质让人充满幸福感；帆立贝、赤虾非常鲜甜，弹牙得嚟，口感非常胶口，好满足呀！