禾彩日本料理

营业中

休息中

近期经过香港仔，应该会见到呢间餐厅门外经常有一大班人等位，因为唔钟意等位既我，所以迟迟都未去食。直至有一日系午市既尾声，门外无咩人先走去试，落单个时就已经系午市last order，之后间中都会有客人入嚟，可惜已经系休息时间，所以想食之前要留意番个营业时间，小心白行一趟。今次拣咗个杂锦天妇罗饭午市套餐，连前菜及面豉汤。有四款前菜可以选择，我就拣咗刺身六件，系三文鱼、带子同甜虾，刺身大大件好鲜甜，因为饿饿地所以好快食哂，下次应该会留嚟送饭。因为即叫即做既关系，所以要等一阵先有得食。杂锦天妇罗有炸虾、炸番薯、炸南瓜、炸冬菇同炸矮瓜，所有天妇罗都炸得非常好，粉薄表面干身而唔油腻，食材新鲜兼湿润，保持食材本身应有既特色。每食一啖都觉得好幸福，估唔到香港仔都会有呢个水准。当时既感觉就好似日本节目孤独的美食家入面男主角既心情一样，好难用文字去表达。最后可惜已经last order左，如果唔系会想叫多条秋刀鱼试下。