幸福堂 (已結業)

作为一个珍珠奶茶控， 四围品尝唔同嘅珍珠奶茶系绝对需要嘅，今日嚟到铜锣湾，试呢一个台湾过江龙---幸福堂嘅珍珠奶茶， 咩都唔好理一睇完menu，当然要点咗佢个招牌黑糖珍珠鲜奶先得，佢嘅珍珠鲜奶伴住浓厚嘅黑糖浆，饮落有著浓厚嘅黑糖味，而且饮品面头特登放咗一啲黑糖碎喺面，再用火烤过形成一个薄薄嘅甜脆面， 好特别。 黑糖配鲜奶味道刚刚好，唔会太甜，又唔会太淡。另外朋友亦都试咗佢嘅黑糖珍珠仙草鲜奶， 不得不赞黑糖鲜奶配珍珠 加埋凉粉，呢一个配搭既清新又消暑， 口感都好特别，好多重选择， 个人觉得佢嘅甜度配得刚刚好，凉粉味道亦都好清新，好适合夏天饮用。