幸福堂 (已結業)

天气真系好焗，好热，好想饮野呀！系旺角，我就谂起幸福堂，经过几次都好想饮，今次一定要好好品尝。好，睇下有咩好饮先。等店员泡制中。呢到系手作炒珍珠，每日新鲜黑糖浆炒制，粒粒通透有弹性。焰遇幸福，黑糖珍珠真鲜奶，上面系鲜奶盖，再舖上片片焦糖脆脆，呢个奶盖好特别，平时饮既多数系芝士奶盖，咸咸地既。而呢个系好creamy 好重奶味，有少少似云呢嗱。鲜奶混合黑糖既味道系最完美既，珍珠食落唔会过甜，弹牙够烟韧，每一啖都饮到幸福感！