北海道爐端燒 (已結業)

同好多香港人一样，日本一直系我同女朋友最喜爱的旅游的国家，而我地对北海道都有一种情意结，可能这就是雪国的魅力！最近发现尖沙咀有间北海道炉端，就趁著拍拖日子同女朋友去试下啦！不得不提的是餐厅有两款座位，一款是一般餐厅座位，另一款就是日式榻榻米坐位，相当有日式风味！基本上好多料理都好出色，但有几款不得不向大家推介。羊架：听人讲羊架烹调难在温度的控制，但呢度既羊架的生熟控制得很好，不会太熟过韧，亦不会太生血淋淋，而且味道方面我觉得腌得刚刚好，值得一试！牛仔骨：同羊架一样，腌得刚刚好，好入味，加上烧后更香，牛仔骨的肉很嫩，我比较喜欢将骨汁吮吸，再将骨肉分离，最后先慢慢品尝牛肉！蟹肉味噌烧：如果你同我一样是蟹膏控既话就一定唔可以错过，蟹壳上加有大量浓厚蟹膏，上面仲有加了少少蟹肉，慢慢一啖一啖，每一口都己经是幸福的感觉！地狱拉面：日式餐厅点可以唔试下拉面呢，呢度既拉面的确有惊喜，虽然呢度唔系以拉作为主打，但系拉面既质素都相当之唔错，地狱拉面听个名都觉得辣，汤底比想像中浓郁，面条都相当弹牙，抵赞！炸物方面都几正，唐扬小海虾令人好难忘，小海虾炸到香脆可口，仲可以一只一只掉入口，好爽呀！