影片
更多
2009-12-19
5 浏览
一直都好想试下打乌冬有几好味又有几唔同, 不过因为价钱关系, 食一碗已经好贵, 何况带同亲朋戚友一齐去试菜呢!一碗闲闲地都要6、70蚊, 但呢晚一于豪一豪试下佢!极上蕃茄牛肉猪软骨乌冬+配溏心蛋一只蕃茄汤底唔系罐头蕃茄汤, 所以唔系鲜红色。想该系用猪软骨浓汤再加蕃茄煲成 ; 蕃茄味唔重但好香好清甜, 仲有成度蕃茄食! 一边食乌冬都可以一边饮汤, 因为唔系味精汤, 饮完都唔口渴!牛肉片比生熟牛河的牛肉好味, 唔肥但好滑, 而且份量都有返咁上下。猪软骨一般, 不过不失 ; 骨好软身, 肉唔肥, 都算ok! 但系份量就少左D啦…主角手打乌冬登场! 真系好惊喜! 软身得黎又弹牙, 烟烟unun, 食得出”手打”的分别!乌冬有胶味 , 又唔粉口, 越食越滋味! 不过乌冬唔算多, 所以有少少唔够喉! 但份量足够食, 但饱得黎又唔滞, 好有满足感呢!值得一提的地方就系乌冬有大量的配菜, 均衡的蔬菜真系好!除左有成个大蕃茄之外, 仲有粟米同蜜糖豆。特别要赞下系粟米粒! 因为粟米粒唔系冷藏粟米, 食得出系原条粟米刨出的! 粟米味更香浓又大粒, 为食厌左罐头又或者冷藏粟米粒的我带来清新!溏心蛋原来系冻食
一碗闲闲地都要6、70蚊, 但呢晚一于豪一豪试下佢!
极上蕃茄牛肉猪软骨乌冬+配溏心蛋一只
蕃茄汤底唔系罐头蕃茄汤, 所以唔系鲜红色。想该系用猪软骨浓汤再加蕃茄煲成 ; 蕃茄味唔重但好香好清甜, 仲有成度蕃茄食! 一边食乌冬都可以一边饮汤, 因为唔系味精汤, 饮完都唔口渴!
牛肉片比生熟牛河的牛肉好味, 唔肥但好滑, 而且份量都有返咁上下。
猪软骨一般, 不过不失 ; 骨好软身, 肉唔肥, 都算ok! 但系份量就少左D啦…
主角手打乌冬登场! 真系好惊喜! 软身得黎又弹牙, 烟烟unun, 食得出”手打”的分别!
乌冬有胶味 , 又唔粉口, 越食越滋味! 不过乌冬唔算多, 所以有少少唔够喉! 但份量足够食, 但饱得黎又唔滞, 好有满足感呢!
值得一提的地方就系乌冬有大量的配菜, 均衡的蔬菜真系好!
除左有成个大蕃茄之外, 仲有粟米同蜜糖豆。
特别要赞下系粟米粒! 因为粟米粒唔系冷藏粟米, 食得出系原条粟米刨出的! 粟米味更香浓又大粒, 为食厌左罐头又或者冷藏粟米粒的我带来清新!
溏心蛋原来系冻食的, 溏心的效果好, 蛋白亦有卤水的味道, 不过熟食会更好味!
乌冬系成窝上枱的, 热辣辣。好味之余又饱肚, 食完有满满幸福的感觉, 呢碗乌冬贵得黎都系好值得的。
张贴