有料案內所 (井財街)

营业中

休息中

虹桥出名多嘢食，今次就带非大西北嘅朋友嚟食甜品。我都系第一次光顾有料案内所，好彩绝对冇伏到朋友。有料案内所铺面比较细，装修最大嘅特色系挂系墙大大个大板嘅招牌，有少少日本感觉，岩晒我位以日本为第二个家乡嘅朋友。虽然楼面得1个店员，但采用QR code落单，点餐几方便、快捷。我就叫咗灸烧焦糖布甸麻薯窝夫，系窝夫嘅上面铺满一层脆脆嘅灸烧焦糖，太幸福。一切开，吉士布甸酱系窝夫一个窿一个窿度拥晒出嚟，将一细件窝夫点埋半溶嘅云呢拿雪糕，系幸福嘅味道。放心，吉士布甸酱唔会过甜。话到明麻薯窝夫，对于咁麻薯喺边，我都研究左一阵。原本以为麻薯系一粒粒嘅，但系佢应该系整窝夫𠮶阵时加埋麻薯，所以令到成个窝夫都有烟烟韧韧嘅口感。呢一点加埋本身个窝夫好大件就令我即使冇食晚餐，都饱到食唔晒。朋友就点左招牌嘅焦糖疏乎厘同四季春。佢觉得四季春一般，因为唔甜。睇嚟佢同我都系钟意食甜野多。