影片
更多
2019-11-09
37 浏览
为庆祝升职加薪，好朋友book左依间餐厅请我食饭。依间餐厅既坐位都好阔落，坐得好舒服，我哋坐左系近马路位，个景都几OK。因为我哋得两个人，所以我哋叫左前菜：川味小云耳&手拍青瓜。主菜叫左半个四季椰子鸡锅，杂菜拼盘，手工宝响铃&幸福腊味煲仔饭。饮品就叫左杞子圆肉雪梨茶&士多啤梨沙冰。前菜：川味小云耳&手拍青瓜：两种都系有少少酸辣，小云耳&青瓜都爽脆。四季椰子鸡锅：依个真系值得一赞。首先佢只鸡只系好嫩滑，无雪味，有淡淡既鸡香。而且佢哋有漏斗提示客人要比D鸡肉滚5分钟先开始食。我跟佢职员建议，鸡肉滚熟后，先饮一碗汤底再食鸡。哗，个汤清甜到一个点。完全无想过只系鸡同椰青水己经可以甘好味。值得提一提既系，如果你饮哂第一锅汤底，你原来除左可以选加清水/鸡汤外，仲可以选加钱落椰青水。我之后问职员，点解只鸡同我平时去打边炉食既有D唔同？原来佢哋用既系用某个日数既文昌雌鸡。幸福腊味煲仔饭：依个系另一种值得赞既𩠌。成个煲仔饭充满哂腊味既香味。最重要系佢既饭保持到粒粒分明，煲底有饭蕉，但饭蕉完全唔会黐底，好易滗起嚟食。比好多自称煲仔饭专卖店既做得仲好。杞子圆肉雪梨茶&士多啤梨沙冰。：杞子圆肉雪梨茶就清清甜甜
依间餐厅既坐位都好阔落，坐得好舒服，我哋坐左系近马路位，个景都几OK。
因为我哋得两个人，所以我哋叫左前菜：川味小云耳&手拍青瓜。主菜叫左半个四季椰子鸡锅，杂菜拼盘，手工宝响铃&幸福腊味煲仔饭。饮品就叫左杞子圆肉雪梨茶&士多啤梨沙冰。
前菜：川味小云耳&手拍青瓜：
两种都系有少少酸辣，小云耳&青瓜都爽脆。
四季椰子鸡锅：
依个真系值得一赞。首先佢只鸡只系好嫩滑，无雪味，有淡淡既鸡香。而且佢哋有漏斗提示客人要比D鸡肉滚5分钟先开始食。我跟佢职员建议，鸡肉滚熟后，先饮一碗汤底再食鸡。哗，个汤清甜到一个点。完全无想过只系鸡同椰青水己经可以甘好味。值得提一提既系，如果你饮哂第一锅汤底，你原来除左可以选加清水/鸡汤外，仲可以选加钱落椰青水。
我之后问职员，点解只鸡同我平时去打边炉食既有D唔同？原来佢哋用既系用某个日数既文昌雌鸡。
幸福腊味煲仔饭：
依个系另一种值得赞既𩠌。成个煲仔饭充满哂腊味既香味。最重要系佢既饭保持到粒粒分明，煲底有饭蕉，但饭蕉完全唔会黐底，好易滗起嚟食。比好多自称煲仔饭专卖店既做得仲好。
杞子圆肉雪梨茶&士多啤梨沙冰。：
杞子圆肉雪梨茶就清清甜甜，士多啤梨沙冰除左有甜味外，仲食到少少士多啤梨既微粒。
张贴
