影片
更多
2021-07-28
4646 浏览
美利酒店既The Tai Pan一向都以早午餐(Brunch)为最出名既餐点，今晚小编与老公因为Staycation关系终于可以尝试到The Tai Pan既食物喇! 但因为时间安排上既关系，今次就先响晚餐时段品尝下佢地既西餐先!西餐厅既传统都系会有大量既员工尽量响你有需要既时候可以即时提供协助，The Tai Pan亦唔例外，6:30入座既时候所有员工几乎都列队欢迎，而且坐低个阵都温馨提供餐牌及询问冷热水﹑或者品尝红白酒既喜好等。由于餐单系因应Staycation而特别设计，所以平时The Tai Pan既餐单未必完全一样，甚至可以话佢都融合埋The Garden Lounge个边既菜单去设计，一阵小编都尽量将相对正餐单既价钱列出黎俾大家参考吧：(三道菜晚餐可以于前菜﹑主菜及甜品中每项拣1款，而如果主菜选拣羊架既话就会有$48既附加费)(本身三道菜晚餐并唔包括任何饮品既，所以如果大家想增加情调就可以自由添加 (但小编房内本身已包1枝赠送既白酒，所以就放弃了))拣完喜欢既三道菜菜式后，首先出场既就系西餐厅通常都会免费提供既面包篮。小编最深刻既就系外脆内软既法包﹑以及充满酸酸蕃茄香味既蕃
西餐厅既传统都系会有大量既员工尽量响你有需要既时候可以即时提供协助，The Tai Pan亦唔例外，6:30入座既时候所有员工几乎都列队欢迎，而且坐低个阵都温馨提供餐牌及询问冷热水﹑或者品尝红白酒既喜好等。
由于餐单系因应Staycation而特别设计，所以平时The Tai Pan既餐单未必完全一样，甚至可以话佢都融合埋The Garden Lounge个边既菜单去设计，一阵小编都尽量将相对正餐单既价钱列出黎俾大家参考吧：
(三道菜晚餐可以于前菜﹑主菜及甜品中每项拣1款，而如果主菜选拣羊架既话就会有$48既附加费)
(本身三道菜晚餐并唔包括任何饮品既，所以如果大家想增加情调就可以自由添加 (但小编房内本身已包1枝赠送既白酒，所以就放弃了))
拣完喜欢既三道菜菜式后，首先出场既就系西餐厅通常都会免费提供既面包篮。小编最深刻既就系外脆内软既法包﹑以及充满酸酸蕃茄香味既蕃茄包，无论涂上牛油还是净包咁食都觉得好香口。
前菜方面：
Creamy Lobster Bisque ($228)：龙虾汤非常浓郁而附有唔少既龙虾肉，但同时佢唔会因为过份浓郁而令整碗汤变成类似"献"汁既感觉，反而会似返平时饮既类似松露忌廉汤既密度；龙虾肉偏向切成细细粒，方便配合汤而一齐食，味道鲜甜!
Grilled Wagyu Beef Salad ($248)：泰式既和牛沙律，当初小编都无特别为意而以为系一般既沙律加上和牛片而成，但如果系以泰式既辣汁，配以清新既青瓜等等而制成。味道非常有惊喜既辣，但因为香料非常多，所以每片和牛都可以配合豆角﹑蒜粒等一齐享用，配合和牛5成左右而无筋，食个阵非常有肉香! 最后和牛份量有7-8件，非常抵食!
主菜方面：
Australian Lamb Chops ($378, Staycation Set +$48))：两大架羊架，再配以茄子及藜麦饭，羊架非常肥美，但同时近骨位既肉又非常有弹性；羊架并无任何膻味，所以食个阵连埋偏向重口味既汁，会带出羊架既肉味。建议食完1件羊架后，稍为利用茄子及水冲冲口腔再食，咁就会无咁有油腻感。
M3+ Rangers Valley Black Onyx Hanger Steak：来自澳洲黑安格斯牛封门柳，系小编响整个晚餐入面感到最惊喜既菜式 - 封门柳以原条烧熟后再慢慢切成薄片 (7件左右)，就算以7成熟既情况下，入面既肉仍然保留一定程度既粉红色嫩感；入口个阵充满住封门柳独特重肉味而无脂肪既感觉，肉汁完全锁住响牛肉内，非常好味! 同时黑松露薯蓉亦有惊喜，唔会因为有过多牛油而有油腻感，反而简简单单利用黑松露既原味混入薯蓉而制成，好味! (可惜呢款菜式响美利酒店所有既餐厅都无，希望有机会再黎品尝个阵会被列入常规餐单啦)
最后就到甜品喇! 小编与老公都选择左Dark Chocolate and Hazelnut Tart ($128)，批边好薄令朱古力比例非常高，同时60%朱古力的确唔会太甜，令你可以无咁大罪恶感下食多少少；如果你觉得太甜而顶唔顺既，柚子酱既酸味就正正令你中和返，好味!
张贴
