三家村水產 (已結業)

朋友相约一齐搭船，去三家村食饭，港岛区返工就有呢个好处，出九龙唔使同人逼， 可惜班船十分钟一班，走咗就要等， 去到超级好，朋友一早订定位， 超级方便，入去就可以叫嘢食， 店员推荐刺身拼盘，至于我哋就加咗个马友一夜干，福冈岩蚝， 同和果子拼芝士饼。刺身拼盘八种剌身，池鱼，拖罗，海胆，带子，左口鱼，鲍鱼，油甘鱼同虾。 当中我觉得最惊喜嘅就系海胆。 新鲜海胆完全唔腥， 入口仲有一阵阵嘅海水同鲜甜。马友一夜干， 都系上网见到好多人食，一于试一试 ，估唔到真系同网上评价一样，外面烧到脆卜卜，里面肉质鲜嫩 有日本风味之余不失香港特色。和菓子拼芝士饼， 芝士饼似系返货嘅货色， 比较普通 ，至于和果子，我认真系好靓味道比较甜。有缘再嚟过。