三家村水產 (已結業)

朋友相約一齊搭船，去三家村食飯，港島區返工就有呢個好處，出九龍唔使同人逼， 可惜班船十分鐘一班，走咗就要等， 去到超級好，朋友一早訂定位， 超級方便，入去就可以叫嘢食， 店員推薦刺身拼盤，至於我哋就加咗個馬友一夜干，福岡岩蠔， 同和果子拼芝士餅。刺身拼盤八種剌身，池魚，拖羅，海膽，帶子，左口魚，鮑魚，油甘魚同蝦。 當中我覺得最驚喜嘅就係海膽。 新鮮海膽完全唔腥， 入口仲有一陣陣嘅海水同鮮甜。馬友一夜干， 都係上網見到好多人食，一於試一試 ，估唔到真係同網上評價一樣，外面燒到脆卜卜，裏面肉質鮮嫩 有日本風味之餘不失香港特色。和菓子拼芝士餅， 芝士餅似係返貨嘅貨色， 比較普通 ，至於和果子，我認真係好靚味道比較甜。有緣再嚟過。