幸屋

营业中

休息中

朋友聚旧拣左去食拉面，横街小店装潢简约陈列充满和味。拉面小食同样出色，此乃卧虎藏龙之地是也~和风饺子 $38卖相靓仔，个样与大阪烧相似。饺子六只有层薄薄嘅脆皮连住，饺子煎得唔干身唔油腻咬落仲有肉汁，连埋脆皮一起食，外脆内软之感相当正，加上淋左滋味沙律酱、甜甜的烧汁和咸香味的木鱼碎，食落相当美味有Ｄ滚动，小食要俾满分！炸鸡 $38炸鸡三件份量唔少，炸粉超薄咬落松化鸡肉嫩滑，唔干身唔油腻有肉汁，同样有水准的小食。海老虾味噌拉面 $88落了大量樱花虾，汤底咸鲜虾味好突出，叉烧半肥瘦肉质嫩入口即化，标准糖心蛋，幼面爽口弹牙，饮啖汤有著幸福满满之感。特浓味噌广岛蚝沾面 $108重点广岛蚝三只，肥蚝饱满鲜甜嫩滑，再多都食得晒，奈何只有三只。沾面为粗面口感烟韧弹牙，浓汤味噌下好挂汁，热石锅保持到热食相当好味。