七輪燒肉 (已結業)

幻之豚盛合我不知道这个名字的意思，不过睇番内容佢真系好似宝盒咁，一碟嘢有好多嘢食，主要系日本豚肉同西班牙黑毛猪。有一个我第一次食嘅黑豚荔枝卷，佢用黑豚肉包住一粒荔枝做成串烧，豚肉本身嘅油份已经烧得好，连埋甜甜嘅荔枝一齐食口感觉味度都非常特别。豚之大肠 大肠个皮烧完脆卜卜，入边嘅脂肪烧香喷喷软淋淋，食落去一啲都唔靭。西班牙黑毛猪肉眼厚切，正因为黑毛猪烧起上嚟非常之香，一啖一块正。黑毛猪去骨猪肋排肉, 正因为无骨食起上嚟非常方便，啖啖都系肉肉质非常之爽口，可以同猪颈肉比美。黑豚肠 用手攞住豚肉肠一啖一啖咬落去好有风味，佢个肠衣好似芝士肠咁一咬落去爆开，啲肉汁喺口内四溅，肉味非常之浓，两支唔系好够皮。乳酸梳打热辣辣嘅串烧加杯冻冰冰酸甜酸甜嘅饮品，正。