La Rosabelle Bar & Grill

营业中

休息中

入到马湾本身已经有点异国风情，这家地中海菜餐厅更加似令你置身外国，餐厅内白色墙，蓝色窗框，希腊小屋墙纸，加上老板侍应都系外国人，感觉几正宗。① 意式茄汁青口意粉Mussel Spaghetti $128茄汁酸甜适中，加埋大量芝士碎，口感味道层次丰富，而且青口都好多，好食。② 招牌地中海三式烧烤串配沙律及薯条 Mixed Grill Skewers $198一串牛肉，一串鸡肉，再加一块羊肉汉堡扒，好味！本身腌得入味，就算唔点酱都好味，个羊肉扒几有惊喜。粗薯条份量几多，然后餐牌上个「沙律」原来系指沙律酱（笑）③ 烤牛肉卷 Grilled Beef Wraps $85无叫最地中海风味的豆泥蓉彼得包，朋友话呢个卷都类似，只是多了肉。个wrap其实同土耳其菜Kebab 一样，唔会觉得干身，都唔错。无论望住餐厅内希腊景或餐厅外的青马大桥及沙滩景，呢个时候最啱啤一啤。Happy Hour $45/杯生啤都算实惠。