古早牛肉麵 (已結業)

疫情以黎，每每总系隔一排就会想念旅行的味道。出唔到国，食番间有地道特色既餐厅止下瘾都好！呢间台式餐厅，内笼都几似d 台湾小店，尤其又挂埋d 上一个年代既插图，又收集左d 台湾既烟盒、旧式纸币咁。一于幻想住自己唔系从深水埗行入黎，而系去紧台湾backpacking，一早起身，落去民宿下面间早餐店，食只包食碗面...餐厅既牛骨汤面非常之唔错~ 汤底有住深沉既颜色，dep 落尝到浓厚既牛腩气息，入面应该再加左d 香料一齐煲，系特别有台式风味，难道就系传说中既“古早味”？上面看似可能加左d 辣油，但其实一d 都唔辣既。𩠌我就拣左秘制酱油猪软骨，好好食呀~ 佢十分入味同腍，d 筋腱甚至软骨位都唔使点用力咬，同出面果d 系不同的。面既份量又够多，个汤又热热的，佐面甚佳！朋友就叫左个大鸡脾配地瓜条，再追加一份宜兰葱肉馅饼，够晒多款式。只鸡脾蘸上卤水汁，睇见都流口水... d 地瓜条我有偷d 黎食，上面系沈左d 甘梅粉，甜甜地又少少咸，几得意。而宜兰葱肉馅饼，则小小似生煎包既感觉。两个餐都包左基本餐饮，free 既都已有唔少台式饮品选择，当然亦可以补钱叫main menu 野饮。朋友叫冬瓜茶，非常之健