暢和號 (翠怡花園) (已結業)

大埔出名多小店，见到呢度长期都满座，而且好多人排队等外卖，品质应有一定嘅保证！最爱海南鸡嘅我，当然要来探店啦！有实体Menu亦都可以用QR code点餐，非常快捷方便！泰式奶茶~为迎合返香港人，甜度有别于泰国当地，依然茶味香浓！畅和去骨海南鸡饭～海南鸡非常嫩滑，而且份量亦都很多！配上三个酱汁，任君选择！一淡油饭配搭上鸡肉，真系神仙食法，前菜同椰子汤味道亦都非常不俗！泰式卤水牛腱片～牛腱片非常够味，口感柔软之余保留返应有既烟靭，微微湿润嘅卤水汁，YYDS!叁巴菠菜～菠菜非常软滑，一啲都唔老！配上独特嘅叁巴酱，更觉惹味！酥炸软壳蟹喇沙～软壳蟹系原只上！炸到酥脆之余，配搭上微辣具椰香嘅喇沙汤底，整件事异常地夹！生炸香茅鸡翼～由于鸡翼会即炸、所以需时较耐，炸到外皮非常香脆，同时带有少量香料，好味！🤤叫到成枱嘢食,都系呢个价钱,真系抵到烂！相信你都会成为我嘅饭堂😂