YKY自家麵

营业中

休息中

今日去旺角考试，lunch想食啲中式汤面，经过见呢度见新开于是拣咗呢间试试，面舖应该开咗大约3星期左右，店内设计新派，环境睇上去几干净舒服，好既地方系一个人嚟食可以坐面壁位，唔洗同人搭枱。舖头主打手功面，拣咗滑鸡手功面(单点$51，不连饮品)，选幼面。碗面等5分钟左右上枱，面同汤好够热，鸡肉嫩滑份量适中，幼面面质有啲似有弹性既幼意大利粉，如果可以拣软硬度的话，想啲面煮淋少少会啱我口味。原味汤底有啲过咸，饮完口渴，减底减盐会好啲。