影片
更多
2007-11-12
53 浏览
几十年老字号，到今日先上开饭啦介绍俾各位食家，真系非常可惜。欢喜楼招牌货豉油鸡，用新界走地鸡，肉质结实有鸡味，海鲜存货不多，全部以海鱼为主，尽量不留隔夜货，事关新界人出名嘴尖又悭家，养鱼、雪藏鸡等货色绝对食唔入口，价钱开得稍高又俾Ｄ乡下人话食水深，所以欢喜楼屹立多年，手艺同质素完全不用怀疑。不过，学阿苏话齍，每间店既菜式总有强弱，拣唔中撚手小菜等于入宝山而空手回，小菜方面推介：夏天梅菜扣肉，冬天芋头扣肉，豉油鸡当然系必然选择，豉油王虾，生炒骨等等亦做得有水准，菜方面可以拣有镬气既虾酱通菜鲜鱿，或者大大煲既海味杂菜煲，甚至时令菜式，双冬炆羊腩煲，绝对系镇山之宝，清清地既瑶柱苋菜苗，基本上除左同牛肉有关菜式之外，所有小菜都相当唔错（仲有个煲仔饭都系可以不理）。欢喜楼仲有一个超级台柱，盘菜！一个盘菜闲闲地够十四、五个人分享，所以亦欢迎外卖（另有送货服务），不过要早一日预订，外卖除左个盘菜之外，仲有一个迷你火炉同酒精火种，足够翻热个盘菜，另外仲送埋纸碟筷子胶台布，方便到买返屋企食连碗都唔驶洗，买去烧烤场有台就可以开餐，食完连个盘都可以掉埋，真系方便到不堪，但系记住盘菜祇收现金，信用咭免问。或者
欢喜楼招牌货豉油鸡，用新界走地鸡，肉质结实有鸡味，海鲜存货不多，全部以海鱼为主，尽量不留隔夜货，事关新界人出名嘴尖又悭家，养鱼、雪藏鸡等货色绝对食唔入口，价钱开得稍高又俾Ｄ乡下人话食水深，所以欢喜楼屹立多年，手艺同质素完全不用怀疑。
不过，学阿苏话齍，每间店既菜式总有强弱，拣唔中撚手小菜等于入宝山而空手回，小菜方面推介：夏天梅菜扣肉，冬天芋头扣肉，豉油鸡当然系必然选择，豉油王虾，生炒骨等等亦做得有水准，菜方面可以拣有镬气既虾酱通菜鲜鱿，或者大大煲既海味杂菜煲，甚至时令菜式，双冬炆羊腩煲，绝对系镇山之宝，清清地既瑶柱苋菜苗，基本上除左同牛肉有关菜式之外，所有小菜都相当唔错（仲有个煲仔饭都系可以不理）。
欢喜楼仲有一个超级台柱，盘菜！
一个盘菜闲闲地够十四、五个人分享，所以亦欢迎外卖（另有送货服务），不过要早一日预订，外卖除左个盘菜之外，仲有一个迷你火炉同酒精火种，足够翻热个盘菜，另外仲送埋纸碟筷子胶台布，方便到买返屋企食连碗都唔驶洗，买去烧烤场有台就可以开餐，食完连个盘都可以掉埋，真系方便到不堪，但系记住盘菜祇收现金，信用咭免问。
或者近几年盘菜泛滥，求其一大堆食物放上个盘度就叫做盘菜，经济愈好，愈见奢华，一味得个贵字，反而冇左盘菜既精粹，盘菜首要系所有菜式分开煮，要用上大量传统酱料，甜酸酱、面豉酱、磨豉酱、南乳等等，白鳝要先蒸后炸再用南乳炆，猪肉要拣五花腩肉先蒸后炆，茄汁虾碌要连虾壳一齐煮先可以保持虾肉味鲜肉嫩，外面Ｄ盘菜几豪都好，始终冇左围村既味道，个一种离台十呎都闻到流口水既南乳香气。
大大个免费停车场任泊，闲闲地可以容纳成百部车。
张贴