歡喜樓 (已搬遷) 新店位置

嗰晚因為去上水石湖墟遊樂場睇朋友做大戲,出黎己經過晒晚飯時間,好友揸車黎呢度試下...嗰陣己經差不多9點45分.門口烏燈黑火,以為佢地收左工添,入去問下仲有無飯食,見到仲剩底2枱客...叫左4個餸.3個白飯...好快黎喎,我地是最後一枱客呀,廚房要收工馬! 嘩,好大碟喎,都幾抵食,我地4個靚女都食到好飽,唔好浪費食物呀... 紅燒豆腐=一般 蒜香骨=無乜肉味 鮑魚菇油麥菜=同紅燒豆腐一樣味 啫啫雞煲=好味比4.5分呢度要揸車黎至得,搭車都唔方便...不過度度都試下啦,至搵到好嘢架...

聖誕長假期不免飲飲食食，尤其與家中老幼外出用饍，更要兼顧各人口味，終於想起這家聞名已久的歡喜樓一試！雖然地點比較隔洩，不是自己駕車也不清楚有乜交通工具到。早一天我們打電話訂座，接聽的叔叔彬彬有禮，我們並預訂了奶奶最愛的大魚頭一試！一步進相當懷舊，一坐下先來例湯︰蓮藕鱆魚煲豬踭肉，夠料、夠火喉兼沒味精！初步印象分已大增！我們人數不多，只好點了以下幾多招牌菜︰玫瑰豉油鷄*o*果然名不虛傳，豉油甜鹹適中，雞身入味之餘又保肉質鮮嫰。好好味！薑䓤蒸大魚頭平日我最怕吃魚，因為很受不了魚鯹味，對魚頭魚雲更不能接受。但這兒的蒸魚頭，端上來時見到肉質雪白晶瑩，非常新鮮！看見各人不斷下筷，便毅然嚐一口。嘩！不但沒半點鯹味，入口滑啫啫，鮮味無窮，很意外！薑汁炒芥蘭莫看輕這碟菜，可見廚房的真章。大師傅巧妙地將薑汁作成薄醬，再埋落已出水的芥蘭，令薑汁與芥蘭融合，又沒有任何薑粒，很不錯！三層塔豆腐將蝦膠定墨魚膠？（記不清楚）與蛋和豆腐層層疊，再煎炸成金黃，爽口又混和蛋味和豆腐的嫩滑質感，小孩子特別喜歡！油鴨臘味煲仔飯這個是我特別推介，在寒冷北風天，來一個煲仔飯已是不錯的選擇！但這裡的煲仔飯所用的材料好棯滑夠味，包

之前食過幾次歡喜樓, 質素有些下降. 所以好耐唔去食.星期六同朋友SHOPPING完, 友人提議去歡喜樓食飯. 我同友人都有車, 所以去都好方便.歡喜樓非常適合自駕人士去, 因為泊車唔使錢, 食飯又唔使等位.當日叫左:1) 豉油雞 ~ 唔使講, 一定保持水準2) 羊腩煲 ~ 好大煲, 多料. OK3) 白飯魚煎蛋 ~ 煎得好香, 讚4) 琵琶豆腐 ~ 好味5) 上湯豆苗 ~ 由於佢地上湯等於胡椒湯, 唔食胡椒味的朋友唔好叫上湯浸菜. 6) 臘味煲仔飯 ~ 登登登!! 最讚係煲仔飯, 臘鴨, 臘腸, 臘肉好香, 肉質好好. D飯煲得啱啱好. 配埋佢地特製的煲仔飯豉油, 我老公食左3碗. 食完仲講左幾個禮拜話好好食.7) 甜品 ~ 我老公食芒果布甸, 佢話係全香港整得最好的布甸, 唔知係咪真係好食得咁誇張, 我叫左杏仁露, 好香的杏仁.呢餐我地同友人都好滿足.

假日去開大棠玩，然後順路去歡喜樓試一試!由於早到(6:00pm)所以唔駛等試左佢的「招牌玫瑰豉油雞」，真係好正！D 豉油真係好得，D 肉又彈牙又滑！另外又叫左個蘭花花枝片，D 花枝片好新鮮呀！脆口彈牙喎！勁好味！阿媽又話要蒸返條魚，考驗下個廚師的廚藝，所以點左「青班仔」，有 14 兩重。真係好得，蒸得Ｏ岩Ｏ岩好，又滑又鮮味，我係呢度食完呢條魚之後，先覺得出面 D 乜乜名牌酒家唔知有無呃人，呢條 14 兩咁大條，出面 14 兩咁細條! 仲有佢 D 汁出面真係食唔到，正呀！老婆最鍾意飲湯，所以叫左個例湯，唔係味精湯來架!我地一共裝左 9 碗半。又叫左個豉椒炒蜆，D 蜆無沙好新鮮！另外想讚一讚佢 D 服務都唔錯，呢度好快就幫你加茶同換碟，食完即刻送上西瓜，又唔會即刻要你埋單，等你慢慢嘆返杯靚茶。佢 d 甜品都好特別，但真係好飽所以食唔落，因為佢 d 餸都好大碟，白飯又「突」起，建議大家一開始唔好叫太多餸，留返個肚食甜品。

老遠入到西北,又不是一味"探花",更無須一個人來"散心"般落寞,今次之新界局,一行十多人,歡天喜地向著舊青山公路上的"歡喜樓"進發.此酒樓非什麼Hidden gem,飲食雜誌也好像沒有報導過,如果住在錦繡或者加州的朋友,相信未來過,也應該經常路過.事前對此店之認識,是玫瑰豉油雞.單是這一味,已經吸引很多食客,老遠駕車入來吃.假日晚上七點多,已差不多坐滿,所有菜式來到寫便可,無須預訂,或者入廚房同個廚"拍膊頭".做一些菜單上沒有的菜式.玫瑰雞很快便上.小時候鮮雞仍然垂手可得,尤記得吃過某親戚的自家豉油雞,到今天也忘不了.廿幾年之後.我們一家與這位親戚失去聯絡,連帶這段時間,也吃不到有水準的豉油雞.這店用來浸雞的豉油,已加了玫瑰露,因此多了份誘人的酒香,而且浸煮的時間恰好,豉油入味之餘,也不會完全將雞味搶去.雞肉味道濃郁,而且很嫩滑.這種久違的感覺,竟然在歡喜樓拾回.仗著人多,可以盡試多樣菜式,但是在整體感覺上,沒有豉油雞的驚喜,好像椒鹽鮮魷,粉漿比較厚.花枝釀大腸就外乾中強,餡料比大腸更有可觀性,因為大腸有點齦.椒鹽牛柳粒用來送酒最佳,椒鹽珍肝似乎做得過乾,雞肝本身的油潤感蕩然無存.清湯

當附近的豪宅地段仍是一片農地時,歡喜樓早已經在元朗落地生根.多年來默默耕耘,菜色推陳出新,雖然地方隔涉,有朋友想攪一局,二話不說.........去.其實歡喜樓是單幢式建築物,有自家私人停車場,門口有紅色小巴由上水或元朗途經,要搵其實不難.是夜全場爆滿,雖然有點雨,但依然人流不絕.大家所佔的一張檯,亦不過是建築物外加建的地方.招牌玫瑰豉油雞 : 標明是招牌菜,果然自有獨到處,相對一般燒腊舖出品,整體味道更細緻,浸雞時間掌握得準,玫瑰露酒香味輕輕沁出,醃汁沁入雞肉內,雖然雞隻件頭不少,但肉質嫩滑,好得.蒙古烤鮮羊件 : 用烤焗方法處理,表皮並非芝麻皮,羊腩部位夠肥美,熱食時香嘖嘖羊肉味,但一冷卻便變得煙韌.油鴨腊味併盤 : 分別是油鴨,腊肉及腊腸,油鴨用上肶位,脂肪少,肉較結實,是來貨問題,腊肉中冰肉位佔了一半,入口豐腴肥美,如果可以加碗糯米飯就完美,腊腸是瘦肉腸,可以說是走肥腸,個人覺得一般.花枝釀大腸 : 用上腸頭附近位置,釀入花枝肉炸,單睇表面色澤較深,以為是炸得過就錯,事實是仍有點韌,炸得不夠透,能再乾身點就更好.脆香三層樓 : 內是墨魚膠,再沾上芝麻粒炸成餅形狀,火侯準,表面金

昨天細佬生日, 一家人走咗去歡喜樓幫佢賀壽. 本來流浮山係我家嘅御用食點; 但係屋企人多, 齋計生日吃飯, 每年都去7~8次, 仲未計其他節日tim.聽到二細佬話之前同朋友去歡喜樓食過飯, 佢出名嘴刁都話唔錯喎, 緊要去試.一去到就見到一個牌坊大大隻字"歡喜樓", 有d覺得攪笑; 但是最好嘅係有不設劃位免費泊車, 泊滿即止......服未!我哋8個人, 叫咗8餸1湯4個靚仔再+五碗甜品.1. 豉油雞--入味, 不太咸, 肉嫩皮滑.(屋企人吃雞好閹尖, 極少會食晒成隻雞, 今次食晒~勁)2. 例湯 -- 老黃瓜湯, 無味精, 我個退休大廚老豆都飲咗2碗, d豬肉湯渣點豉油, 甘味 3. 咸菜胡椒豬雜 -- 原來係有湯o架, 仲正過個例湯, 好香胡椒味, 咸菜應該有過水,無醃菜嗰種霉味, 唔太咸, 豬雜無騷味又夠淋. 讚!4. 咕嚕蝦球 -- 可以送飯, 醬汁酸甜味剛剛好, 無攻鼻嘅酸醋味, 蝦球有落粉過油再回鑊, 正!5. 冰陣芥蘭 -- e+唔當造, 不過佢哋好細心咁將老咗嘅部切去, 再片去有根部份, 總之你唔會食到有根囉~ 個汁唔係豉油咁少, 仲加咗d甜醋落去, 食起嚟...

星期天和友人聚餐 , 原來訂了元朗大榮華 , 遲了約 15 分鐘 , 酒樓拒絕俾檯要重新輪冧巴 , 於是打俾元朗長大的友人 , 睇睇仲有冇邊處好介紹 , 有兩三間選擇 , 好快就鎖定了老字號的歡喜樓 , 一車大人細路共八隻餓狼便飛車前往開餐 , 酒家外有寬敞車場 , 絕對係駕駛者的好去處 .點了海味雜菜煲 , 豉油雞 , 生炒骨 , 豉油王蝦 , 蒸魚 (唔記得蒸左乜) , 例湯 . 海味雜菜煲真係好大煲 , 絕對足料 ; 豉油雞好滑 , 夠入味 ; 生炒骨做得不俗 , 肉味亦夠出 ; 豉油王蝦都好食 ; 蒸魚可以 ; 例湯可以 .是次每人消費約 HK$ 100.00 x 6個大人 , 抵食 !!

幾十年老字號，到今日先上開飯啦介紹俾各位食家，真係非常可惜。歡喜樓招牌貨豉油雞，用新界走地雞，肉質結實有雞味，海鮮存貨不多，全部以海魚為主，盡量不留隔夜貨，事關新界人出名嘴尖又慳家，養魚、雪藏雞等貨色絕對食唔入口，價錢開得稍高又俾Ｄ鄉下人話食水深，所以歡喜樓屹立多年，手藝同質素完全不用懷疑。不過，學阿蘇話齍，每間店既菜式總有強弱，揀唔中撚手小菜等於入寶山而空手回，小菜方面推介：夏天梅菜扣肉，冬天芋頭扣肉，豉油雞當然係必然選擇，豉油王蝦，生炒骨等等亦做得有水準，菜方面可以揀有鑊氣既蝦醬通菜鮮魷，或者大大煲既海味雜菜煲，甚至時令菜式，雙冬炆羊腩煲，絕對係鎮山之寶，清清地既瑤柱莧菜苗，基本上除左同牛肉有關菜式之外，所有小菜都相當唔錯（仲有個煲仔飯都係可以不理）。歡喜樓仲有一個超級台柱，盤菜！一個盤菜閒閒地夠十四、五個人分享，所以亦歡迎外賣（另有送貨服務），不過要早一日預訂，外賣除左個盤菜之外，仲有一個迷你火爐同酒精火種，足夠翻熱個盤菜，另外仲送埋紙碟筷子膠檯布，方便到買返屋企食連碗都唔駛洗，買去燒烤場有檯就可以開餐，食完連個盤都可以掉埋，真係方便到不堪，但係記住盤菜祇收現金，信用咭免問。或者

泊車方便免費停車場豉油雞好好味, 好滑乳豬超好味(但要預訂)客家豬肉好入味例湯冇味精,好飲好過大榮華