稻庭烏冬·鍋物日本餐廳 (已結業)

之前一直都听人讲呢间乌冬好食，今次去左elements终于有机会试！睇完戏差不多6点，都未有人等位，就走左入去食。佢有套餐，好似系食蟹，我拣左散点。点左鳗鱼煎蛋卷，基乎系一落单即到，快系好，但一睇就知佢系整定，系冻既⋯⋯个样OK，不过蛋唔系好松软，鳗鱼又唔香，都有D失望。点左美国顶级安格斯牛肉热汤稻庭⋯⋯一见到真系哇一声，呢碗野收我178蚊？好似平时食50蚊果碗生牛肉粉咁！我觉得个卖相真系一D都唔吸引，我唔明点解要178蚊⋯⋯都算一间中上级既日本餐厅，咁贵一碗乌冬，但个碗系崩既！我真系觉得间餐厅好无heart⋯⋯讲番碗鸟冬，牛肉食唔出系美国顶级安格斯牛肉，乌冬又食唔出有几弹牙⋯⋯又点左大虾天妇罗，呢个系新鲜既，又热又脆，不过脆浆厚左D，唔特别。催左两次之后，终于黎埋另一个日本岩蚝肉燥热汤稻庭。呢个卖相都差不多，唔太吸引，炸蚝有三只，系新鲜炸起因为好热，肉燥就得好少，几乎见唔到⋯⋯炸蚝都唔算炸得老，但又系脆浆厚左D，肉燥好少，感觉好似得一样𩠌咁，而且肉燥无乜味，呢个配搭唔太好。两个人埋单要成600蚊，真心觉得唔抵啰，食物又唔特别，唔值呢个钱，咁既质素我去平价乌冬店都食到，无下次。