順。越南牛肉粉

营业中

休息中

好运中心新开的越南餐，装修新颖忍唔住入去一试，两位竟然有卡位，开心。中午时段有午市套餐，大概70-80一个餐，包野饮。我点左个生牛肉河，出到黎卖相几好，最紧要个汤够热，抵赞。试左一啖汤，味道不过不失，但牛肉有惊喜，份量够多之余，口感都算滑。另外朋友点了顺化牛肉汤檬，食到赞不绝口。牛丸虽然细粒，但咬落爆汁，一粒小小牛丸入面，牛肉、牛丸、牛油嘅香味混合一体。牛展有卤过，入味，有诚意。扎肉都算正宗。汤底小辣，成碗野出到黎都算出色。赞。套餐包嘅基本饮品，冻热都系唔洗加钱架。我地都系点香茅蜜，杯野清甜得黎，有淡淡嘅香茅味，都算特别。整体而言，出餐速度都算快，食物够热够新鲜，味道也不错，值得推介。