越蘆越南牛肉粉

营业中

休息中

放工系上环探完朋友，要揾野食，本身好少黎依区唔知有咩好食，今日好似有啲病病地无咩胃口就想揾啲粉面食。咁谂住见到咩就食咩啦，见到有间食米线既，价钱平但门面麻麻，再四围望下之际就见到依间店面光鲜既越南野，门面用咗湖水蓝所以好抢眼，望望餐牌又觉得唔算太贵就入去试下喇。佢啲粉面就5至70蚊左右，都算合理，咁本来想叫个捞檬，点知佢居然话无檬粉做唔到，真系有啲失望，咁咁岩就见到隔离枱黎咗两碟炒金边粉，好似几正咁就叫咗依个喇，原来一碟要$118，咁唔正都唔得喇。炒野要等耐啲，好似等咗都3个字，黎到见到个卖相都几好，味道适中又唔油腻，唔咸唔淡，金边粉有弹性，配料多得黎又夹，有鸡肉同札肉条，夹埋食就最好味喇，旁边有辣椒粉同花生，钟意可以捞埋入去食，我就无喇，因为啲辣椒粉真系好辣下。总括就系味道几好，但都系有啲贵。