華苑酒家 (已結業)

去元朗下白泥睇完日落，同一众朋友谂紧食乜既时候，就见到呢间位于元朗安宁路既火锅酒家，佢分左几层，一楼系普通茶市，2楼就系专做火锅既，咁我地一行人都系相当大食既，咁当然拣蒸汽火锅喇，一上到去，环境同一般既火锅酒家差不多，但服务态度系几好既，一坐低，侍应已经介绍呢度既招牌粥底同海鲜比我地，我地就拣左个淮山杞子鸡粥做我地既粥底，然后就发现佢既粥底火锅系即时落料整既，够晒新鲜，之后有4种海鲜可以拣我地就拣左蛏子，鲍鱼，扇贝同带子，佢地既海鲜系每日新鲜由街市入货，唔系自己养（所以出奇地佢地酒楼系冇鱼缸）。蒸出来味道极鲜甜，尤其个海鲜汁系甜中有鲜味，可惜得4种拣，唔够喉。其他火锅配料方面，最正既一定系鸡，佢既顺德污糟鸡同虫草花鸡都好出色，滑得来有满满既鸡油，我地都嗌左5碟。炸鱼皮都系十分之正，佢即炸，放落口系仲热既，真系好小见。另外佢地d丸系每粒用手打，弹牙又冇冰鲜味，真心正。最后佢地个粥底先系重点，冇晒所有食物既精华，海鲜既汁加埋鸡既精华，真系蒸气火锅先做到。佢地既汽水同啤酒都系任罗，酱汁选择好多，芫荽等少见既食材都有。下次一定会再来