雙囍滷味大王

营业中

休息中

呢间双囍卤味大王都行过几次，见到外卖饭盒几抵，55蚊有个鹅片饭，反正今晚都系做孤独的美食家就买黎试试，店舖细细间主要都系做外卖，价钱都贴晒出黎好抢眼。鹅片饭55蚊黎讲几足料，鹅片就咁数都有9片，仲有1片细既摆底其实一共10片，摆底仲有2块卤水豆腐，量黎讲呢个价钱收货有多，讲返质素就比较普通d，鹅片肉偏鞋口少少，唔够爽，但都收货既，豆腐几好食几滑，又唔会一夹就散，饭方面就差少少，比较湿同烂，我好怕呢种饭所以扣返d分。例汤买饭仲有汤送几抵，汤就粟米红萝卜，睇就几多料仲有粒蜜枣，但饮落都系味精汤，送既就唔好要求咁多，ok啦。鹅肠另外买多少少卤水野加𩠌，食唔晒可以留第二日，鹅肠买左2两，几爽口，唔会好咸。鹅肾鹅肾2个，都系好爽口。猪大肠猪大肠一条，大肠唔会好韧，爽口得黎几好咬，都算入味无异味，唯独肥左少少，有d铺会主动去肥，唔想太肥既朋友主动叫师父走肥啦。另外卤水同蒜蓉醋分开包上，都几多。整体黎讲系几抵食，不过高质就称不上叫做ok，饭方面唔好煮咁湿会好d。