影片
更多
2018-07-06
1028 浏览
笔者介绍：人称「肥佬B」，自2009年加入openrice，一直以openrice用作bookmark餐厅用途。踏入三十之年，心广体胖嘅我quota递减，故每逢可以出街食饭定必事前做足功课，以免浪费quota，希望透过写食评同大家分享饮食心得和介绍我嘅口袋餐厅。作为新界仔嘅我，更与女友相约「每月港岛一餐」，有兴趣就即刻follow我啦！讲起米线，自从谭仔同三哥入侵香港之后，先知原来米线受欢迎程度系比得上白饭，而店名标榜「云南」二字嘅，同系弥敦道大叫家欣一样，随时一百几十人应你…喂，大哥，你知唔知云南米线咩味道架？Sorry我未去过云南所以都唔好问我…当佢系一碗普通米线食就算。因为听闻呢间舖都要排队嘅，所以我就拣左平日四五点去帮衬入到去就见到餐牌大大个，唔怕你老花，最怕你发鸡盲舖面细细，大约坐到廿零个客，由于四五点无乜客，环境阔落舒服。做左功课，我系冲住黄膳同腩肉而来的，叫完野食谂住+$7跟餐整杯COT，Sorry原来呢度唔兴谭仔个套，台面有茶自己斟。我顿时觉得呢间野有性格。众所9知，最赚钱梗系酒水架啦，你间野仲要系食米线嘅，你明唔明啲米线热到辣得熟喉咙之际her一加仑COT嘅快感？你竟
讲起米线，自从谭仔同三哥入侵香港之后，先知原来米线受欢迎程度系比得上白饭，而店名标榜「云南」二字嘅，同系弥敦道大叫家欣一样，随时一百几十人应你…喂，大哥，你知唔知云南米线咩味道架？Sorry我未去过云南所以都唔好问我…当佢系一碗普通米线食就算。
因为听闻呢间舖都要排队嘅，所以我就拣左平日四五点去帮衬
入到去就见到餐牌大大个，唔怕你老花，最怕你发鸡盲
舖面细细，大约坐到廿零个客，由于四五点无乜客，环境阔落舒服。做左功课，我系冲住黄膳同腩肉而来的，叫完野食谂住+$7跟餐整杯COT，Sorry原来呢度唔兴谭仔个套，台面有茶自己斟。我顿时觉得呢间野有性格。众所9知，最赚钱梗系酒水架啦，你间野仲要系食米线嘅，你明唔明啲米线热到辣得熟喉咙之际her一加仑COT嘅快感？你竟然唔卖野饮？都算啦…你竟然得热茶？不过人就系咁贱，越有性格你就越钟意…死死地气斟杯茶慢慢等食。值得一提当时姐姐们食饭时间，都好有耐性咁同我落单，亲切有礼抵赞
等左七分二十八秒，我碗米线到了，隆重介绍，炸酱黄膳腩肉米线。卖相吸引，我半夜打食评都一路睇相一路流口水，除左个三样𩠌，配菜仲有韭菜同葱，都系个句，呢度唔系谭仔，无芽菜同腐皮。
炸酱：咸香、微辣、杰身，好食过谭仔
黄膳(连带猪皮)：本身个汁好惹味，有椒香，黄膳新鲜爽脆，咸香入味，猪皮黄膳切成条状，方便连同米线一同送进我口
腩片：爽口，唔会话好肥，厚薄适中
米线：爽身不易断 (如果问我食得慢啲米线会唔会变淋我就唔知，因为我系食得超快个类人)
汤头：鲜浓，我特登饮哂碗汤测试有无味精，我肯定系有不过好少好少，无话成晚起身狂灌水
味道黎讲，可能系新鲜感啦，无谭仔个种公式嘅味道，微微捞一捞，有挂汁，一啖接着一啖，停唔到。每样𩠌都有佢独特一面，但捞埋一齐又互相配合，恰如其分。份量亦都好大碗，连我呢个麻甩肥仔都够食，正常人一定够。
炸酱 黄膳 腩肉 米线
$44
57 浏览
1 赞好
0 留言
炸猪扒够哂新鲜辣口，但味道一般，有啲油，可以唔叫都得
炸猪扒
$13
49 浏览
1 赞好
0 留言
为左测试味精而清！其实好明显系无/好少味精我先有能耐清得哂啦
埋单$57，以今日物价黎讲，有咁嘅质素同份量，绝对抵食，我亦都会番啅！下次试甜汤同汽锅鸡！
张贴
