影片
更多
2013-01-19
180 浏览
又买到团购餐，难得咁就脚，就试下约埋家中长老出黎试下啦。睇下个餐单，除咗牛展之外，我样样都啱食。先黎瑶柱松茸桂花羮，味道一般，冇乜特别。海蜇并汾酒牛展，不过不失。黑松露鱼柳多士，块多士脆脆地，我家小姐叫我whatsapp呢幅相俾佢，应该好啱年青人口胃。我最欣赏果碟士多啤梨猪仔骨，好入味，肉又滑，一D都唔韧。七菜兰度珍珠鲍，主角应该系兰度。我就几喜欢，但鲍鱼仔就有D硬，有D腍，唔系咁平均。但我地成碟一粒都食清。高师父头抽豉油鸡，拎黎果阵，夹起件鸡真系几高兴下架，估唔到入面咁熟，肉质都唔算鞋。因为食完旧猪仔骨都饱咁滞，争D食唔晒呢只鸡。窝上汤生面一上场，大家就松一口气，应该都到尾声啦。我地已经冇乜胃纳，但又唔想浪费食物麻。我地问侍应要咗碟辣酱，据闻都系佢地自制既，都几辣架。蛋白杏仁茶就认真败笔，做咩唔热架?冇预先整热D碗就装出黎奉客，到上台就注定失败架啦，白白浪费咗呢个甜品既存在价值，画唔到一个完美句号。做主管既，应该反省一下啦。侍应有礼，但招呼就唔算周到，冇人提点呀。好似公筷咁简单既一项，佢地有提供，但就弊在冇同时俾多个筷子座或者碟用黎垫住，变咗一撤走碟𩠌，对筷子何去何从呢? 有骨落地既
又买到团购餐，难得咁就脚，就试下约埋家中长老出黎试下啦。
睇下个餐单，除咗牛展之外，我样样都啱食。
先黎瑶柱松茸桂花羮，味道一般，冇乜特别。
海蜇并汾酒牛展，不过不失。
黑松露鱼柳多士，块多士脆脆地，我家小姐叫我whatsapp呢幅相俾佢，应该好啱年青人口胃。
我最欣赏果碟士多啤梨猪仔骨，好入味，肉又滑，一D都唔韧。
七菜兰度珍珠鲍，主角应该系兰度。我就几喜欢，但鲍鱼仔就有D硬，有D腍，唔系咁平均。但我地成碟一粒都食清。
高师父头抽豉油鸡，拎黎果阵，夹起件鸡真系几高兴下架，估唔到入面咁熟，肉质都唔算鞋。因为食完旧猪仔骨都饱咁滞，争D食唔晒呢只鸡。
窝上汤生面一上场，大家就松一口气，应该都到尾声啦。我地已经冇乜胃纳，但又唔想浪费食物麻。我地问侍应要咗碟辣酱，据闻都系佢地自制既，都几辣架。
蛋白杏仁茶就认真败笔，做咩唔热架?冇预先整热D碗就装出黎奉客，到上台就注定失败架啦，白白浪费咗呢个甜品既存在价值，画唔到一个完美句号。做主管既，应该反省一下啦。
侍应有礼，但招呼就唔算周到，冇人提点呀。好似公筷咁简单既一项，佢地有提供，但就弊在冇同时俾多个筷子座或者碟用黎垫住，变咗一撤走碟𩠌，对筷子何去何从呢? 有骨落地既菜式，中途冇换过碟，其实都几失败架，我地都兴环保既，洗少只碟系好事黎。但好多食客唔会咁同你谂架。
至于上菜方面，都做到不徐不疾既，可以讲得上合格。只要服务改进一下，要有回头客，真系好易架咋。
你如果问我会唔会推介俾朋友? 我话: 会!
张贴
