魚事者 (希慎廣場)

营业中

休息中

之前已经食过一次，觉得几好食，今日嚟到铜锣湾唔知食咩好决定再食多次！今次叫咗炸鱼冇薯条$30，似炸鱼糕条嘅感觉，淡淡鱼香，不是好出味的感觉，但佢可以自己自选一个酱，我今次就拣咗蟹黄酱，蟹黄酱味道好浓烈，好香，加埋炸鱼冇薯条，确实系绝配。（个人认为炸鱼薯条个灵魂就系个酱入面）另外再拣咗个黑白春卷鱼面$51，黑白春卷系鱼肉春卷同埋墨鱼春卷，我觉得呢两个春卷都系好香好好食好推荐，个汤底我就拣咗鱼汤，淡淡嘅鱼香再加埋鱼面，真系几好食，值得一提嘅系佢嘅鱼面仲可以简芫荽鱼面，不过今次我就冇试到，下次有机会再试！