韓家莊韓式燒烤 (已結業)

同朋友趁新年前聚一聚，因为同行都系男仔比较多，所以就决定揾任食餐厅，先可以确保大家都食得饱，最后拣左呢间佐敦的韩家庄韩式烧烤，一黎地点方便大家，二黎价钱唔算好贵，三黎自己可以拣自己要食咩，成班人聚餐黎讲最简单。上到去环境唔错，并唔会因为系食韩烧而成间店都有烟雾，而且唔会好大阵味，地方企理干净，睇落都好整齐。食物部份以自取形式供应，可以自己到出面食物区拎，生肉方面有：鸡肉、鸡翼、牛肉、猪肉、鱼肉、虾、金菇肥牛、鱿鱼、鸡肾、多春鱼……熟食方面有：泡菜、炒饭、刺身、寿司、青瓜、沙律、豆腐花、白菜、芽菜……种类都算好多，全部味道都唔错，肉类唔会唔新鲜，个人觉得最好味系鸡翼同鱼肉，唔会腌得太咸，鱼肉又唔会「霉」，而熟食都啱口味，泡菜同芽菜都食左好多转，可以中和食得太多肉的饱济感。最重要系出面的食物区每次Refill都好快手，今转行出去见到得返少少，下转再出去就已经加满，所以整体黎讲所有野都唔错，可以一试。