鐵牛台灣牛肉麵 (希爾頓大廈)

营业中

休息中

延续今日食到饱既气势，睇完科学馆个木乃伊展，揾左间台式牛肉面黎食。上次已经想试，但奈何人太多等唔到。今次早左黎 (6点几)，入座话咁易。呢度采用自助形式，侍应安排座位后，自己出去点菜俾钱然后返位等食。我地就叫左招牌红烧牛肉面、麻辣大块牛肉面、柠檬冬瓜茶同桂花乌龙冷泡茶。先讲招牌红烧牛肉面，汤底香浓，带少少八角香味，牛肉半腩半根，肉味浓而肉质松软，面底亦都爽口弹牙，完全系一碗合格有余既台式牛肉面。同样地，麻辣大块牛肉面一样有半腩半根牛肉同爽口面底，汤底既麻辣味啱啱好，麻完又唔会太辣，辣完又唔会抢住要饮野，值得一赞。饮品方面，大热天时饮一啖柠檬冬瓜茶，完全起左消暑解腻作用；桂花乌龙冷泡茶竟然系用樽上，淡淡既桂花香加乌龙茶，唔错，个樽入面仲有茶包，留起个樽，拎返屋企又可以冷泡多一次 (希望仲有味)。唔驶等位而又想食牛肉面的话，的确系一个唔错既选择，但如果要等位，我都系留返喺台湾排永康街牛肉面好喇。