Cafe REVOL

营业中

休息中

入店自己一个想揾个地方坐低慢慢食，于是就入左黎。不过我同另外两位客人系门口等左一阵都冇店员走出黎帮我地探热。之后见其中一位客人主动走入去揾店员，先有人帮我地探热同带位。如果店员可以多D留意门口位置有冇人，更加主动叫客人入店探热就好啦。环境入到店就系工业风，装修几有特式。枱同枱之间都有胶板隔住，感觉够晒安全而且坐得都几舒服，坐位都阔落，岩晒自己一个坐低慢慢食。落单到落单啦，本身想叫花香柚子绿茶既，不过岩岩好卖晒，而我又唔多饮咖啡，就谂住唔要饮品。不过旁边店员听到，就主动问我要唔要柚子水加玫瑰，感觉好细心呀。开餐！我落完order唔洗1分钟就已经有饮品送到。虽然系水，但感觉唔淡，柚子都几甜，而且都几香玫瑰味。(如果下次menu有柚子玫瑰水就好啦)之后再等唔够5分钟，意粉都送到。意粉唔会好淋咁，好有咬口而且有好多菇同黑松露，好足料，而且味道几香。