霸嗎拉麵 (已搬遷) 新店位置

同honey去拍拖拖睇戏之前，我地先行咗去拉面街度医肚。由于实在太多选择，大家都唔想嘥精神谂食边间，所以就求其行咗入去第一间唔洗排队o既「Bari-Uma广岛霸吗拉面」 。傍晚六点半左右，拉面屋已五成满，服务生好客气地俾我地拣坐边。座位其实全属半独立式，一个人自己黎食都唔会感到唔自然。店子间隔全用上木枱櫈及屏风，就连灯罩都系木造，和味极之浓厚，亦好通爽开扬。店内o既服务生个个都好年轻，而且每位都一样咁友善有礼 。入座后先送上冻水，用餐途中更会不断留意客人所需，并自动加添茶水，小肥真系有少少意外。餐具同酱油则全为自助式。为咗要留肚食爆谷同甜品，两口子决定叫一碗面同两个小食黎分。 炙烧豚肉味玉拉面（$90）：除咗碗入面只蛋未有开边之外，实物同餐牌上o既图案都有九成半相似。拉面软硬适中，豚肉腍身易咬，汤底虽则好够香浓，但就过份杰身，而且比较油腻，整体只属一般货式。 唐扬炸鸡（$35/五件）：七蚊一件o既炸鸡都算几大块，新鲜热辣炸起，外皮香脆干身，鸡肉又唔嚡，无奈味道颇咸，搞到小肥要狂饮水黎化解 。 辛口烧饺子（$38/五件）：皮层超薄o既饺子烧得好够香口，馅料轻巧软脆，但就同炸鸡