漁之部屋 (已結業)

入到将军澳探朋友，顺便提早庆中秋，下晏响朋友屋企玩完board game，之后有人就提议食放题。玩到饿晒，食放题就啱晒啦。估唔到呢个新商场入面有间日式放题店，其他舖好多都未开，所以呢间店都相当人多热闹。价钱系268加一，好少少肉赤不过物有所值，都回到本。->清酒鲍鱼: 一入座冇耐即刻送上每人一只鲍鱼，估唔到㖞，咁重本，虽然唔系好大只，但作前菜都唔错-> 刺身 最回本: 赤贝/拖罗/生虾，赤贝非常爽口，鲜味十足，拖罗罕见，不过都系三文鱼最正，够滑够肥。->手卷: 海胆手卷，海胆份量劲够，而且唔腥，一口手卷，细细件容易食。->其他: 辣炒蚬/清酒煮蚬/焗蚝/虾天妇罗炒蚬细细只但只只都有肉唔会得壳，焗蚝系超正，热辣辣味道刚好，其他料理都正! 天妇罗爆浆松化，唔会食到好油，水准以上。->甜品 有好多甜品拣，除左原先任食嘅甜点，仲有一张雪糕甜品纸系每人限叫一款，movenpick雪糕或milk top雪糕，仲补几款口味，好似出面都卖得贵，所以最后劲饱都要食埋先讲。几正。呢间放题质素系几正! 不过市区无分店，略嫌远左少少，如果入开嚟玩都ok。