影片
更多
2019-09-14
1007 浏览
见到AVA Restaurant 评语都唔错，今年决定同家人去呢到庆生。预约时职员会问要唔要order 玫瑰雪糕，生日会帮你写埋个名上去。因为第一次去，揾左阵先知入口系酒店停车场中间位置，会有个入口直上餐厅。早咗到，企系门口等Staff得闲先对Booking安排到座位。餐厅其实唔大，但好多都系情侣or闺蜜上黎用餐，所以2人台比较多。被安排坐系房间入面，虽然面向海景，但对住湾仔一带同K11 Muse， 比较暗，有啲失望。因为其他人塞车，我最早到，坐左差唔多20分钟，完全冇职员询问我有冇任何需要，连水都冇一杯😡 直到我忍唔住揾职员俾杯水我，先至有得润下喉。齐人之后决定先叫Appetizer再慢慢拣Main course. 呢个时候，你需要企起身，行出间房，揾个职员帮你落单🤷🏻♀️决定完Appetizer，等左差唔多10分钟先有人提供面包同小食...面包都好软绵，有烤热过先上👍🏻图下的蕃茄芝士小食就好普通。等左好耐(落单35分钟后)Appetizer终于上😭蟹肉双重奏：系一个晶莹剔透水滴型冰块嘅中心放上食物，从外观上就好吸引。 蟹肉沙律，牛油果，芒果，蟹肉，一层一层叠上去。蟹肉蓉加蟹肉已经有
因为第一次去，揾左阵先知入口系酒店停车场中间位置，会有个入口直上餐厅。
早咗到，企系门口等Staff得闲先对Booking安排到座位。餐厅其实唔大，但好多都系情侣or闺蜜上黎用餐，所以2人台比较多。
被安排坐系房间入面，虽然面向海景，但对住湾仔一带同K11 Muse， 比较暗，有啲失望。
因为其他人塞车，我最早到，坐左差唔多20分钟，完全冇职员询问我有冇任何需要，连水都冇一杯😡 直到我忍唔住揾职员俾杯水我，先至有得润下喉。
齐人之后决定先叫Appetizer再慢慢拣Main course. 呢个时候，你需要企起身，行出间房，揾个职员帮你落单🤷🏻♀️
决定完Appetizer，等左差唔多10分钟先有人提供面包同小食...面包都好软绵，有烤热过先上👍🏻图下的蕃茄芝士小食就好普通。
等左好耐(落单35分钟后)Appetizer终于上😭
蟹肉双重奏：系一个晶莹剔透水滴型冰块嘅中心放上食物，从外观上就好吸引。 蟹肉沙律，牛油果，芒果，蟹肉，一层一层叠上去。蟹肉蓉加蟹肉已经有唔同口感，再加上芒果嘅清甜令到呢首菜唔油腻!
(可惜一切就散)
生蚝(一打)： 应该系爱尔兰品种，比法国蚝细只，大部份都肥美。够鲜甜亦唔会海水味重。
白酒汁煮青口：同平时食开嘅白酒汁青口，呢度酱汁相对地煮得浓郁，连青口一齐食不错。青口份量有点小。
食完三道Appetizer 又系漫长嘅等待...餐厅会尽量一次过上晒，但系职员落错单，我哋食完又要再等过。
美国肉眼扒配薯条：五成熟嘅牛扒煎得刚刚好，juicy 又好香牛肉味，好食！
杂菌麻花卷意大利面：曾经食过觉得呢种面条好特别，呢间餐厅煮得软硬适中，带点烟韧。配上牛肝菌同黑松露，未食都嗅到好香！
原条深海鲈鱼：见好多人推介所以试下，可惜系全晚最失望嘅一道菜。鱼应该系冰鲜，劲唔新鲜，带点腥，加咗附带嘅酱汁先叫好味啲。 唔建议大家叫！
海陆烤肉拼盘：龙虾肉质唔错，弹牙爽口，个人觉得加上蒜蓉酱汁会太浓味。牛扒冇肉眼扒好食，而且有啲烤过头。
正餐食完就到重头戏！玫瑰雪糕系用-250°C液态氮由液体急速凝固成雪糕，成个过程好似个魔术表演😂最后会用液态氮冷冻有机玫瑰花，再一下整碎，令雪糕有玫瑰脆片嘅口感！ 可惜食个阵啲玫瑰片已软晒... 呢道甜品打卡一流！
味道普通啦...
总结: 食物质素的确唔错，尤其玫瑰花雪糕好似个表演咁。如果上菜速度可以快啲就好啦。
虽然预订个阵职员尽力帮我解决泊车问题，但用餐服务真系好差，唔知系咪唔够人手，即使当时房入面仲有其他客人，我哋每次都需要亲自行出房间揾职员帮手。好彩OpenRice而加有7折优惠券，叫做弥补一下呢个部份。
张贴
