2+2 Café (已結業)

结婚周年纪念一家大细食自助餐。BB仲细，近近地沙田帝都食个入门级自助餐。冻盘有几款刺身，拎左三文鱼同吞拿鱼，都几鲜甜。仲有几样冻小食。芝麻冻豆腐几滑，几好味。行入少少就有一个细细嘅生蚝档，即开，都算几鲜甜。呢个价位有生蚝算系咁了。热盘拣左烧牛肉，仲有咖哩配薄饼，仲有几款饱肚嘅热食。串烧鸡几滑唔错。最后甜品都好多选择。一个大大冻柜，有好多奶冻、啫喱类甜品。最爱系抹茶奶冻。另外仲有好多蛋糕，cupcake。仲有几款雪糕选择。呢度餐厅细细，座位较近，但食物选择都应有尽有，价钱合理。Baby Friendly，有大大张high chair，小朋友餐纸系图画纸，又有儿童餐具。