Lex Coffee (已結業)

前两日搜寻咁坚尼地城有咩美食，发现呢间Lex Coffee好评居多，今日就谂住试食下。步入Cafe，发现佢左手边唧装潢同布置具有日式设计感，尤其系柜上各种小物件，得意嘢都好多，充满惊喜。本身谂住试埋龙虾意大利饭，不过又无心情系下午茶时间食个饭落肚，所以斋叫咗一份意式提拉米苏。提拉米苏比我想象中大，摆盘都十分elegant，无论边个角度都影得好靓，真系有d舍唔得叉只匙落去。未入口就可以闻到咖啡香，不过反而食又食唔到咩咖啡味，呢一点我觉得都几不可思议，略失望。至于Lady Fingers，松软可口，空气感十足，绝对满分。马斯卡彭起司Cream好smooth好silky，不过我嫌只味太淡，唔够浓郁。整体嚟讲，虽然唔系我食过最出色唧提拉米苏，不过都系令人满意的一道甜品。比起食物，值得赞唧系店内气氛：舒适的座位、仪容得体的适应生、柔和的背景音乐，皆令人感到放松、惬意，可以独自一人或同朋友度过一段休闲时光。