影片
港铁坚尼地城站 A 出口, 步行约3分钟
继续阅读
开饭介绍
Lex Coffee創造性地將精品咖啡館、高級西餐廳、頂尖藝術空間完美結合，構建一個追求質感美學的生活社群。
在Lex Coffee，當您在品味我們的精品咖啡或者精緻美味的西餐甜點時，您可以近距離欣賞國際藝術大師的精彩作品，因為他們就佈置在您的餐桌邊上。藝術融入生活，好作品值得與之朝夕相伴。在Lex Coffee空間內展覽的藝術品及衍生品，大部分皆可出售。如果您喜歡上這裡的安迪沃荷、班克斯或者KAWS的作品，您有機會將他們買回家。如果您想分享對藝術的熱愛，或者有興趣了解更多藝術，Lex Coffee舉辦的多元藝術活動便是您最佳的選擇。與我們一起，開啟您的藝術美學生活吧！
继续阅读
营业时间
星期一至日
11:30 - 21:00
以上资料只供参考，请与餐厅确认详情
相关文章
港島西食評系列 ~關鍵詞：１個人、工作日午餐第35站：卑路乍街100號店名：Lex Coffee餐廳類型：咖啡廳提前訂座：有堅尼地城卑路乍街上的餐廳，以街坊食肆為主，其中 Lex Coffee比較吸引眼球，原因是位置好，裝修簡約，就來試試。提前經Open Rice訂座，準時到達，點了 Set lunch，包括以下的：#餐湯：蕃茄濃湯，味道偏酸，開胃。#主菜：燒三文魚配蒔蘿牛油，三文魚柳肉質嫩滑，配菜有齊５種顏色(紅 車厘茄、橙 南瓜、黃 薯仔、綠 西蘭花、白 椰菜花)，健康又美味的組合。#餐飲：Honey Lime，滋潤、解油膩，我喜歡！總體感覺：店員很有禮貌，討好！p.s. 港島西獨食記，第６家寫食評時已經結業的餐廳，再吃不到，好可惜！
继续阅读
💰總消費: $301/2人(有加一)・ 藝術打印咖啡🌌 ($88)呢款咖啡可以揀你想打印嘅相上去，不過我見menu張相咁靚🤤我就唔揀啦，就要預設嗰張相。當杯咖啡到嗰陣☕️我叫左出聲: 好靚啊😍😍個店員聽到都呆一呆😂😂😂呢杯咖啡真係好靚，面頭係一幅藍色油畫🌌好適合打卡📸不過飲完之後會整到個嘴有藍色😂😂 it’s fine~ 個咖啡係即磨嘅，香濃淳滑💕・ 閃耀咖啡冰球🪩 ($88)見呢款咖啡有4杯嘢，覺得好特別，估唔到杯咖啡都有喺Lab做實驗嘅感覺👩🔬🧪黑色嗰杯係齋啡、紅色嗰杯應該係西柚汁🍹(亂估🙈個味似)、白色嗰杯有氣嘅(分唔到係咩🥲🥲可能係soda water)、仲有一粒板球咁大粒冰🏏️。實驗開始: 將所有野放一半落粒冰度🧊，得左🤪個西柚味較酸蓋過左咖啡味🥹 即使如此，佢都俾咗一個好好嘅咖啡體驗我，又有得玩又有得打卡💕💕🤤🤤✨・ 意式提拉米蘇🍰 ($78) 生日decoration +$20 朋友生日🎂，請佢食件cake先✨問咗店員剩係得呢一款蛋糕可以加 decoration ，咁就佢啦😍果然，出自呢間Cafe手嘅嘢都好靚、好啱打卡💯佢嘅蛋糕好好食，唔會太甜，口感有少少食緊泡泡🫧好夢幻🦄有冇發現佢嘅裝飾好細心🤤 $20係值得加嘅，有花瓣🌷、棉花糖、朱古力醬🍫、糖霜🍬、蠟燭🕯睇得出好用心整💕💕心意100分😍💯・ 環境🏡最加分就係個整體環境🥰🥰枱櫈設計特別，燈飾閃令令🪩有種高級感，就像身在高級晏會所💃🕺店內有書櫃，拎住杯咖啡好啱打卡🤤🤤店外裝修都好靚！好似有一格格窗口咁樣🪟好特別😍唔講都唔知原來係一間咖啡店🥰🥰🥰總體評分: 8/10⭐️
继续阅读
同伴昨天傳來照片，驚聞這接近有七百笑臉、「笑/喊比例」三十五的超人氣餐廳將要結業，而且日期是：今天！！！咁突然？在店方卻似乎不然，因為連「道別二人晚餐」也預備好了，原價七百的組合，如今以五百饗各位粉絲。即管致電查詢，今晚全滿是意料之內。難道與這多次路過、卻未嘗一會的紅火店子，就此緣慳一面？還是靠同伴動腦，問出套餐是全日供應，而四、五點造訪，有位機會較高。「那為何不當午餐吃？」如此，下午兩點、午市之後 (是否爆場，沒法見證了)，我倆坐在只七成滿的店內，用心欣賞那將馬上成為歷史的一切。相逢恨晚，臨別依依，除了仔細端詳內裝和感受氛圍，也為今天之後不復見的餐牌做個紀錄：告別演出，總是把所有看家本領都抖出來，以渾身解數揮別支持者。這個Grand Closing二人餐也是，把歷來最多推介的菜式都放在其中，當然少不了打卡熱選的「打印咖啡」！先來芒果沙律 (原價$128)，菜相當新鮮，芒果粒和芒果醬汁更令入口感覺醒神；嚼蟹籽的「索索」聲與嚼的感覺混在一起，更「爽」！一點美中不足就是份量較少，不過之後當主菜上桌，這疑團便立即解開。兩款主菜，同時送上。先嚐虎蝦意粉 (原價$178)，清淡的蕃茄味和香草香氣，加上洋葱碎粒的嚼感，豐富了意粉的體驗。煎得恰到好處的虎蝦，外面香帶微焦、又沒有抽乾蝦肉的水份，難怪是人氣主菜之一！另一主菜招牌安格斯肉眼扒 (原價$238)，附上 green salad，所以前菜減量，不單不是將貨就 (套餐) 價，反而是店方的心思，免得份量太多吃不完。其他的，不如用眼看、去感受吧。菜式吃一道少一道，轉眼來到結尾了。店員預備打印咖啡 (原價$88) 的必要動作，是詢問客人提供照片。打印機內存有的，有追星照、有梵高名畫，還有小王子 (但因版權不能再用)。我們提供的，是喜愛的祈禱照，也是一個「再相見」的祈願！圖案是打印在一層cream之上，那忌廉非常綿密濃滑。也許是因要保持忌廉溫度、不致溶化之故，咖啡是比常溫更低 (但不至「冰」)，但仍非常香濃，帶有餘韻。小口小口地喝，邊享受那壓軸出場的熱賣甜品：提拉米蘇 (原價$78)！問及結束的原因，店員結巴地回答是租約理由；至於何時再見，店員則純熟地告知到尖沙咀的同系餐廳。一樣的，但是不同；來得及，不過太遲！想再見，但再也不能相見……坐在將關門的這裡，邊呷著涼 (不是放涼) 的咖啡，邊回想這把年紀累積的遺憾……
继续阅读
一入到去舖頭waiter 已經好緊張要我哋係75分鐘之內食完問咗我哋好多次🙈🙈🙈其實75分鐘由佢order再比餐具都冇咗20分鐘。。我完全唔明75分鐘做到啲咩我睇menu 見咗一個麵包好似好好味粟米片有太陽蛋以為會有咩特別…..普通太陽蛋加麵包牛油果醬少到見唔到粟米片原來係薯片。。俾啲誠意啊真係粟米片呀都好呀🙈🙈跟住就$98Omgggg邊度值呢個價錢?食落去完全冇特別所有嘢都好貴🙈🙈🙈🙈普通嘅麵包加隻煎蛋價值喺邊我到而家都拗頭?
继续阅读
平時行過都會被吸引入去 入到去望落都幾舒服 不過一坐低 望上天花先發現佢嘅天花幾殘破甩皮甩骨咁 還是集中食嘢啦 枱枱都點咗啱哂打咭嘅藝術打印咖啡 但同行友人就話唔覺吸引 而且價錢都好貴88蚊一杯 睇你覺得值唔值 我哋就嗌咗americano 味道係唔錯嘅 不過都成43蚊杯 咁質素當然好過連鎖咖啡店嘅 其實佢有個二人餐 價錢好抵 包埋兩杯打印咖啡 可惜佢只得一個餐俾大家 啫係無得你揀 有肉眼配虎蝦意粉 抵過散嗌 可惜我哋唔想食肉眼 唯有散嗌 價錢就無咁優惠揀咗波士頓龍蝦意粉 烤三斗魚配蘆荀佐龍蒿奶油醬 tiramisu 意粉 喱個個味無乜特別 又無龍蝦味 只係好普通嘅茄汁意粉咁 賣218元 唯一可讚只係意粉質地適中 龍蝦同白烚完無乜分別 因為汁入唔到肉中 只係保留肉質彈牙 而且膏亦有啲啲腥 絕對唔推介三文魚 喱個實在麻麻地 成碟都唔夠味 無論汁定係主菜都好似無調味咁 三文魚正常煎香咗咁就算 就係無味同無味連個汁亦食唔出有咩特別但佢叫龍蒿奶油醬 唔推介 tiramisu 味道好普通 唔夠咖啡味亦唔夠酒味 唯一可讚係佢嘅手指餅浸得啱啱好唔過濕 但。都係唔推介 因為太淡味 突出唔到tiramisu 總括而言 喱間coffee店 價錢同食物質素不成正比 唔試無損失 試嘅話可以唔駛叫以上嘅嘢 而且我哋都知我哋係尾圍 七點零嚟食飯 但侍應就好似好趕咁 成日想收工 電話提完八半要執嘢 嚟到又提 嗌嘢食又提 朋友嚟到又再提 唔知提咗幾多次 其實都幾令人困擾 我明白你趕收工 但作為一間咖啡店就實在不適合不停催人嚕你唔係茶餐廳 又唔係價錢平 我再睇返啲食評 原來一直都係喱個問題 似乎要改善一下喱種急趕態度啦
继续阅读