雲南啊老表黑山羊湯鍋米綫 (已搬遷) 新店位置

黎开佐敦中午时间揾啲野食， 搜到云南老表几好评， 仲有我钟意食既羊肉， 一于黎试下， 好彩早入黎坐低， 食食下满坐要等位， 都几旺场。研究左个餐牌一阵, 我入得黎就梗系会食羊肉， 但大家要注意细碗其实都好大碗， 大碗就系超级大碗， 建议大家落单前睇下隔离左右先决定。 我地两个人要左羊肉有皮大碗， 店家好醒目自动自觉俾埋2套碗仔同匙我地。汤底唔会太咸， 饮得出有用羊肉煲， 羊肉细细件但份量唔少， 都几香肉味， 调味料唔会过多， 可以食到羊肉本身既鲜味， 整体都几好食。口痕叫埋猪肉饺子食， 肉好干好柴， 自己去超市买黎煮果d仲好食。