一本居酒屋 (已結業)

今日因为约左7点半喺大围按脚，就揾下附近有咩好食，揾到呢间居酒屋竟然未黎过，所以就book左9点黎食野，老板娘（应该系）人好好，仲特登打电话嚟提醒我，而家食肆十点就要关门，同我confirm系唔系真系九点过嚟食，佢惊我哋唔知道，黎到之后唔够时间食嘢，so sweet！黎到居酒屋梗系食下啲串烧，我哋本身都有食咗嘢，所以今餐就当系宵夜啦！我哋嗌咗烧鸡心、鸡肾、鸡软骨、鸭舌同埋牛小排，真系款款都好好食，店员烧嘅火候啱啱好，食落甘香酥脆！呢款日本甜薯天妇罗都系好好食！佢炸到好脆，而且甜薯本身食落都好粉同埋好鲜甜。 最后，见到之前啲食评都赞呢度嘅刺身好新鲜，所以就叫咗个最爱嘅油甘鱼寿司试下，油甘鱼食落虽然比较瘦啲，但系都真系几新鲜，唔似喺争X食到𠮶啲咁，好多时有阵唔新鲜嘅腥味。食紧𠮶阵落紧好大雨，仲系有黄雨警告信号，隔离有一台走𠮶阵老板娘发现佢哋冇带遮，仲好主动借咗把长遮畀佢哋，叫佢哋之后行过先还返，果然呢度真系好有人情味，之后都会多啲帮衬！