麵包秀 (創興廣場) (已結業)

之前有帮衬过买袋装综合面包，味道都几好所以今日食完晏行过谂住入去买方包听日整三文治，去到冇方包得厚切吐司$32都OK。去到货架拎吐司拎起发觉中间个块裂开左，于是攞过第二包点知都喺裂...... 如是者攞左3包都喺咁嘅情况，就喺我再拣个阵收银吖姐系收银即刻跑出黎好劳气咁闹我。劳气收银吖姐：「唔好㩒D面包吖！D面包会有手指印㗎嘛，要拎就拎束口扎绳个位！」一路讲一路排靓D吐司重眼超超（但本身个货架已经好凌乱）拣包又点算㩒？个货架咁高，我企埋去都高过我拎前排都免强重要要求人只准攞扎口位，而你D包有问题要拣嘅，我相信冇人想用$32买个裂左嘅包，你咁嘅态度即喺唔俾买赶我走姐。新年流流费事嘈，赶我走咪唔买啰。最后去左AEON买方包＄9.5（好有弹性）任拣任掂重唔洗受气笑容满面服务态度又好。