馬六

营业中

休息中

同个朋友经过间餐厅，见到个下午茶餐牌价钱咁平，咪入去试下啰，就算中伏既话，都唔系好贵者，可接受既~😅😅咁既价钱…估到d野食唔会好大份，但估佢唔到d野又唔差…几好食添~😋😋😋我地坐底已经5:50，咁个餐厅职员就行埋黎同我地讲：6:00就无下午茶，因为电脑入单，所以无得迟…心谂个职员都几有心㖞，提一提下我地~👍👍咁我地即刻梗系那那声叫左d野食啦~我叫左个海南鸡喇沙掺掺，当时我都疑惑咩叫掺掺…原来系米粉拼油面底😅😅但又几好食㖞，而且个喇沙汤又好够味，又够辣，d鸡又唔鞋~四十几蚊真系底食！我朋友就叫左件咖央多~一个字！正！！个多士d牛油同咖央都搽得好多，所以好好味！想话叫多份，但谂谂下不如试下其他野，所以无再叫~咁我地就再叫多三样小食…糯米鸡翼,虾春卷,鸡肉串烧，春卷同串烧就正常啰…同出面其他餐厅大同小异，但只糯米鸡翼就好好食，因为我之前食过有餐厅既糯米鸡翼d糯米好硬，完全系失败，但呢间唔会啰~真系又辣又好味！！最后叫左个原只椰青同埋手工奶茶解下渴😆😆总括黎讲~百六蚊食到咁多，而且d野食又唔差，值得返黎再食个tea呀！